དཔལ་ལྡན་འབྲུག་གཞུང་།
གསར་སྤང་འབྲིང་རིམ་སློབ་གྲྭ་འོག་མ།
གསར་སྤང་།
སྤྱི་ལོ་༢༠༡༧ལོ་ཕྱེད་ཆོས་རྒྱུགས།
འབྲི་ནིའི་དུས་ཡུན་ཆུ་ཚོད༼༢༽ སློབ་རིམ་་་བདུན་པ།
རྫོང་ཁ་ དྲི་ཤོག་གཉིས་པ།ལྷག་རིག་དང་རྩོམ་རིག། སྐུགས་་༡༠༠
|
སེམས་ཁར་བཀལ་དགོཔ།
-
སྐར་མ་༡༠གི་རིང་ལུ་ཡི་གུ་མ་འབྲི་བར་བཀོད་རྒྱ་དང་དྲི་བ་ཚུ་ལེགས་ཤོམ་འབད་ལྷག་དགོ།
-
དྲི་བ་ལྷག་ཚར་ཞིནམ་ལས་ལན་འབྲི་ནིའི་དོན་ལུ་དུས་ཡུན་ཆུ་ཚོད་༢ཐོབ།
-
དྲི་བའི་སྡེ་ཚན་༣ནང་སྡེ་ཚན་རེ་ལུ་དྲི་བའི་ཚན་༡པ་དང་༢པ་འབད་ཡོད།
-
ཁྱོད་ཀྱི་དྲི་བ་བསྡོམས་ཚན་༣གི་ལན་འབྲི་དགོ།
-
དྲི་བའི་ཚན་གཉིས་ཆ་རང་འབྲི་མི་ཆོག།
-
ཆོས་རྒྱུགས་འགོ་བཙུགས་ཚར་ཞིནམ་ལས་དྲི་བ་དྲི་ནི་དང་བློ་སླབ་ནི་ཚུ་མི་ཆོག།
-
ལན་ཤོག་ནང་ཁྱོད་རའི་མིང་དང་ཨང་ཚུ་མ་བརྗེད་པར་འབྲི་དགོ།
|
སྡེ་ཚན་དང་པ། སྲུང་དང་གཏམ་རྒྱུད། ༼སྐུགས་༣༥༽
བཀོད་རྒྱ་འོག་ལུ་ཡོད་པའི་སྲུང་ལུ་གཞི་བཞག་སྟེ་་དྲི་བ་ཡོད་མི་ཚུ་ལེགས་ཤོམ་འབད་ལྷག་སྟེ་དྲི་བ་ཚན་དང་པ་དང་གཉིས་པ་འབད་ཡོད་ས་ལས་དྲི་བའི་ཚན་༡གདམ་ཁ་རྐྱབ་སྟེ་སྐུགས་༣༥གི་ལན་ཚུ་ཧིང་སངས་ས་འབད་བྲིས།
|
་་་་་་་་་་་་་་་་་་་་་་མནའ་མའི་འབད་གཞག་གིས་སེམས་སྐྱོ་སྟེ་སྡོད་སྡོད་པར་ཨང་རྒས་ཤི་སོ་པའི་སྡུག་བསྔལ་གྱིས་འབད་ཕྱི་རུ་ཉལ་རུང་གཉིད་མེད་བཟའ་རུང་བཅུད་མེད་པར་ན་འཐན་ཉམ་ཐག་སྟེ་སྡོད་སྡོདཔ་མས།་་་་་་་་་་་་་་་་་་་་་་་་་་་་་་་
|
དྲི་བའི་ཚན་དང་པ།
ཀ༽ལན་བཞི་ཡོད་ས་ལས་ལན་ངོ་མ་འདི་གདམ་ཁ་རྐྱབ་སྟེ་འབྲི། ༼སྐུགས་༡༥༽
༡༽སྲུང་ནང་ལུ་སྲུང་རྩེདཔ་་་་་་་་་་་
ཀ༽་༣འདུག། ཁ༽༤འདུག། ག༽༥འདུག། ང༽༦འདུག།
༢༽སྲུང་ནང་ལུ་མནའམ་ཟེར་མི་འདི་་་་་་་་་་
ཀ༽ཨའི་གི་བུམོ་ལུ་སླབ་ཨིན། ཁ༽ཨ་པའི་བུམོ་ལུ་སླབ་ཨིན།
ག༽བུ་གི་ཨམ་སྲུ་ལུ་སླབ་ཨིན། ང༽ཨ་ལོའི་ཨམ་སྲུ་ལུ་སླབ་ཨིན།
༣༽ཁྱིམ་ནང་མནའམ་ལེན་མི་འདི་་་་་་་་་་
ཀ༽ཨ་པ་དང་ཨའི་ལུ་བུམོ་མེད་ནི་འདི་གིས་ཨིན། ཁ༽བྱད་ངོ་རིས་ཡོད་ནི་འདི་གིས་ཨིན།
ག༽བུ་གིས་དགའ་ནི་འདི་གིས་ཨིན། ང༽བུ་ལུ་ཆ་རོགས་འབད་ནིའི་དོན་ལུ་ཨིན།
༤༽མནའམ་འདི་་་་་་་་་་
ཀ༽བསམ་པ་ངན་དྲགས་དང་འདོད་པ་ཆེ་དྲགས་ཡོད། ཁ༽བསམ་པ་བཟང་དྲགས་ཡོད།
ག༽བྱད་ངོ་རིས་དང་བསམ་པ་ལེགས་ཤོམ་ཡོད། ང༽བྱད་ངོ་རིས་མེད་རུང་བསམ་པ་ལེགས་ཤོམ་ཡོད།
༥༽མནའམ་གིས་གཉེན་རྐྱབ་སྟེ་ལོ་གཅིག་ནང་ར་་་་་་་་་་་
ཀ༽ཁྱིམ་ནང་གི་རྒྱུ་ཅ་ལ་གེ་ར་ལེན་ཆི་ནུག། ཁ༽ས་གཞི་ཆ་མཉམ་ལེན་ཆི་ནུག།
ག༽ཁྱིམ་ནང་གི་དབང་ཚད་ཆ་མཉམ་ལེན་ཆི་ནུག།ང༽ཨ་པ་དང་ཨའི་ཁྱིམ་ནང་ལས་བཏོན་བཏང་ནུག།
༦༽བུ་དང་མནའམ་ལུ་ཨ་ལོ་་་་་་་་་་་སྐྱེས་ནུག།
ཀ༽བུམོ་། ཁ༽བུ། ག༽བུ་དང་བུམོ། ང༽གསུམ།
༧༽ཨང་རྒས་འདི་་་་་་་་་་་་་
ཀ༽གཟུགས་ན་སྟེ་ཤི་སོ་ནུག། ཁ༽ལོ་རྒས་ཏེ་ཤི་སོ་ནུག།
ག༽སེམས་སྐྱོ་སྟེ་ཤི་སོ་ནུག། ང༽མནའམ་གིས་ལྟོ་མ་བྱིན་པར་ཤི་སོ་ནུག།
༨༽ཨ་རྒས་ལུ་ཇ་དང་ལྟོ་གཡིབ་སྟེ་བྱིན་མི་་་་་་་་་་་
ཀ༽ཁོ་རའི་བུ་ཨིན། ཁ༽བུ་དང་མནའམ་གི་བུ་ཨིན།
ག༽མནའམ་ཨིན། ང༽བུ་དང་མནའམ་ཨིན།
༩༽ཨ་རྒས་འདི་ཤུགས་འབད་ནཝ་ད་་་་་་་་་་་་
ཀ༽བུ་སེམས་དགའ་ནུག། ཁ༽མནའམ་སེམས་དགའ་ནུག།
ག༽བུ་དང་མནའམ་སེམས་སྐྱོ་ནུག། ང༽ཁོང་གཉིས་ཀྱི་ཨ་ལོ་སེམས་སྐྱོ་ནུག།
༡༠༽ཨ་རྒས་ཚལ་མ་ནང་བཀལ་བཞག་དགོ་མི་འདི་་་་་་་་་་
ཀ༽ཚལ་མ་ནང་ཤི་བཅུག་ནི་གི་དོན་ལས་ཨིན། ཁ༽ཁོང་ཚུ་སྐྱིད་ཏོང་ཏོ་འབད་སྡོད་ནིའི་དོན་ལས་ཨིན།
ག༽ཨ་རྒས་ལུ་མ་དགའ་ནི་འདི་གི་ཨིན། ང༽ཨ་རྒས་བསད་ནིའི་དོན་ལུ་ཨིན།
༡༡༽འདོད་པ་ཆེ་དྲགས་ཟེར་མི་འདི་་་་་་་་
ཀ༽རང་དགོ་པའི་མནོ་བསམ་བཏང་ནི། ཁ༽རོགས་ལུ་བྱིན་ནིའི་མནོ་བསམ་བཏང་ནི།
ག༽མནོ་བསམ་ལེགས་ཤོམ་བཏང་ནི། ང༽མནོ་བསམ་ཟོགཔ་བཏང་ནི།
༡༢༽སྡུག་བསྔལ་གྱི་ཕྱི་རུ་ཉལ་རུང་གཉིད་མེད།བཟའ་རུང་བཅུད་མེད་པར་སྡོད་མི་་་་་་་་
ཀ༽ཨ་རྒས་ཨིན། ཁ༽ཨང་རྒས་ཨིན། ག༽བུ་ཨིན། ང༽མནའམ་ཨིན།
༡༣༽ཨ་རྒས་ལུ་ཕངས་མི་་་་་་་
ཀ༽ཁོ་རའི་བུ་ཨིན། ཁ༽མནའམ་ཨིན།
ག༽ཁོ་རའི་བུ་གི་ཨ་ལོ་ཨིན། ང༽ག་ཡང་མེན།
༡༤༽ཚལ་མ་ནང་ལྷོདཔ་ད་མིག་གི་མཐོང་སར་མེད་པར་སོང་མི་་་་་་་་
ཀ༽ཨ་རྒས་ཨིན ཁ༽ཨ་རྒས་ཀྱི་བུ་ཨིན།
ག༽མནའམ་ཨིན། ང༽བུ་དང་མནའམ་གི་ཨ་ལོ་ཨིན།
༡༥༽ཁོ་རའི་ཨ་པ་གི་དོན་ལུ་ས་དོང་བརྐོ་མི་འདི་་་་་་་་་་
ཀ༽ཨ་རྒས་ཀྱི་བུ་ཨིན།ཁ༽མནའམ་ཨིན།
ག༽བུ་གི་ཨ་ལོ་ཨིན། ང༽ཨ་རྒས་ཨིན།
ཁ༽ ལན་ཐུང་ཀུའི་དྲི་བ། ༼སྐུགས་༢༠༽
བཀོད་རྒྱ་འོག་གི་དྲི་བ་ཚུ་གི་ལན་ཐུང་སུ་འབད་བྲིས།
༡༽སྲུང་འདི་གི་མིང་ག་ཅི་སྨོ?༼༢༽
༢༽སྲུང་འདི་ནང་ལུ་ཨ་རྒས་ཀྱི་བཟའ་ཚང་གི་པར་ཁྲམ་བྲིས།༼༢༽
༣༽སྲུང་ནང་གི་མནའམ་གི་སྐོར་ལས་བྲིས།༼༣༽
༤༽རྨགཔ་གི་ཨ་པ་སེམས་སྐྱོ་དགོ་པའི་དོན་དག་ག་ཅི་སྨོ?༼༣༽
༥༽འོག་གི་མིང་ཚིག་ཚུ་གི་རྣམ་གྲངས་བྲིས།༼༢༽
ཀ༽སྡུག་བསྔལ། ཁ༽བསམ་པ་ངན་དྲགས།
༦༽མི་ཚིག་ལག་ལེན་འཐབ་སྟེ་རྗོད་ཚིག་བཟོ།༼༤༽
ཀ༽དབང་ཚད། ཁ༽སྐྱིད་ཏོང་ཏོ། ག༽བཅའ་སྒྲིག། ང་༽ཁ་བརྒྱངས།
༧༽སྲུང་ནང་གི་སྲུང་རྩེདཔ་དང་སྤྱོད་ལམ་མཐུན་སྒྲིག་འབད།༼༤༽
ཀཕངས་སེམས་ཡོད་མི་ ༡མནའམ་ཨིན།
ཁའདོད་པ་ཆེ་དྲགས་ཡོད་མི་ ༢བུ་ཨིན།
གབློ་དབྱེ་བ་མ་དཔྱད་མི་ ༣ཨ་རྒས་དང་ཨང་རྒས་ཨིན།
ང་སྡུག་བསྔལ་མྱོང་མི་ ༤བུ་གི་ཨ་ལོ་ཨིན།
དྲི་བའི་ཚན་གཉིས་པ། ལན་རིངམོ་གི་དྲི་བ། ༼སྐུགས་༣༥༽
བཀོད་རྒྱ་འོག་ལུ་ཡོད་པའི་དྲི་བ་ཚུ་དྲནམ་བཏོན་ཏེ་ལྷག་ཞིནམ་ལས་ལན་རིང་སུ་སྦེ་བྲིས།
༡ མ་འོངས་པའི་མེ་ལོང་ཟེར་མི་འདི་དོན་དག་ག་ཅི་སྟོནམ་སྨོ?སྲུང་དང་འབྲེལ་བ་སྟོན་པའི་སྐོར་་མདོར་བསྡུས་ཅིག
བྲིས༼༧༽
༢༽སྲུང་ནང་ལུ་ཡོད་པའི་སྲུང་རྩེདཔ་ག་དང་ག་ར་ཡོདཔ་སྨོ།རེ་རེ་བཞིན་གྱི་སྐོར་ལས་འགྲེལ་བཤད་
ཐུང་ཀུ་རེ་བྲིས།༼༧༽
༣༽རྨགཔ་གི་ཨ་པ་དང་ཨའི་ལུ་མནའམ་གིས་ཟོགཔ་གི་འབད་བཞག་ག་ཅི་བཟུམ་ར་འབད་ཡི?གོ་རིམ་བཞིན་
དུ་བྲིས།༼༧༽
༤༽ཁྱོད་སྲུང་ནང་གི་ཨ་པ་དང་ཨའི་གི་བུ་ཨིན་པ་ཅིན་སྲུང་ནང་ལུ་ཡོད་པའི་དཀའ་ངལ་ཚུ་འབྱུང་མི་བཅུག་ནིའི
དོན་ལུ་ག་ཅི་ར་འབད་འབདཝ་འོང་?༼༧༽
༥༽ཨ་ལོ་གིས་ས་དོང་བརྐོ་སྟེ་ཁོ་རའི་ཨ་པ་རྒསཔ་ད་གི་དོན་ལུ་ཨིན་ཟེར་སླབ་ད་ཨ་པ་འདི་ཁ་བརྒྱངས་ཏེ་ལུས་
སོ་མི་འདི་ག་ཅི་མནོ་བསམ་བཏང་བཏངམ་འོང་ནི་མས?བསམ་འཆར་བྲིས།༼༧༽
སྡེ་ཚན་གཉིས་པ། འབྲི་རྩོམ། ༼སྐུགས་༣༥༽
བཀོད་རྒྱ་འོག་གི་འབྲི་རྩོམ་འདི་ལེགས་ཤོམ་འབད་ལྷག་ཞིནམ་ལས་དྲི་བ་ཚན་དང་པ་དང་གཉིས་པ་འབད་ཡོད་ས་ལས་དྲི་བ་ཚན་༡གདམ་ཁ་རྐྱབ་སྟེ་སྐུགས་༣༥གི་ལན་ཚུ་བྲིས།
༉ འབྲུག་རྒྱལ་ཁབ་ཀྱི་ས་གཞི་འདི་ཆུ་དང་ཚ་དྲོད་ཕུན་སུམ་ཚོགས་ཏོག་ཏོ་ཡོདཔ་ལས་གཡུས་ཚན་མང་ཤོས་ནང་རང་ལོ་ཐོག་ཚུ་གང་བ་ལེགསཔ་སྦེ་འཚོཔ་ཨིན།ལོ་ཐོག་ལུ་དག་སྣང་བསྐྱེད་དེ་ལག་ལེན་འཐབ་པ་ཅིན་རང་ལུ་མ་དངུལ་གྱི་དཀའ་ངལ་དང་རོགས་ལུ་ཟ་འཐུང་གི་དཀའ་ངལ་མི་བྱུང་།དེ་ཡང་རང་གིས་སོ་ནམ་ལཱ་ལག་ལེན་འཐབ་སྟེ་སོ་ནམ་ལས་བྱུང་མི་འཐོན་ཁུངས་ཚུ་རོགས་ལུ་བཙོང་རོགས་ཀྱི་དངུལ་ཀྲམ་འདི ་རང་གི་ཧེམ་ཅུང་ནང་བཙུགས་སྦེ་ བཙོང་མི་རང་དང་ཉོ་མི་གཞན་གཉིས་ཆ་རང་ལུ་
ཕན་སྦོམ་ཐོགས་ཚུགས།
མི་རློབས་ལེ་ཤ་འགྱོ་ དཔེ་ཆ་མཁས་དྲག་ལེ་ཤ་འཐོནམ་ལས་ན་གཞོན་ཆ་མཉམ་གྱིས་རང་གཞུང་གཡོག་
ཐོབ་ཟེར་རྩ་ལས་མེད། དེ་སྦེ་གཞུང་གཡོག་ནང་དངུལ་ཕོག་ཐོབ་པའི་གྲངས་སུ་མ་ཚུད་པ་ཅིན་ག་ནི་ཡང་
མ་འབད་བར་ནེ་སྦེ་རང་སྡོད་དེ་མི་ཚེ་མཐར་འཁྱོལ་མི་ཚུགས། དེ་འབདཝ་ལས་མ་དངུལ་གྱི་འཐོན་ཁུངས་
དྲག་ཤོས་རང་སོ་ནམ་གྱི་ལཱ་ཨིན་ཟེར་ ང་བཅས་ཀྱིས་ཤེས་ཏེ་ལག་ལེན་འཐབ་དགོཔ་ཨིན།
ད་རེས་ནང་པར་ཚོད་བསྲེ་ཁྲོམ་ཁ་ལུ་ཧོན་ཚོད་ཆགཔ་གཅིག་ལུ་དངུལ་ཀྲམ་༡༠ལས་མ་ཉུངམ་རེ་སྤྲོད་དགོཔ་ལས་སོ་ནམ་ལཱ་ལུ་སྤྲོ་བ་བསྐྱེད་པ་ཅིན་མིའི་སྦུག་ལུ་ཕྱུགཔོ་སྦེ་སྡོད་མ་ཚུགས་རུང་བཟའ་འཐུང་མེད་པའི་དཀའ་ངལ་རྩ་ལས་མི་འབྱུང་།
དྲི་བའི་ཚན་དང་པ།
ཀ༽༡༽ལན་གདམ་ཁ་རྐྱབ་སྟེ་འབྲི་ནི། ༼སྐུགས་༡༥༽
བཀོད་རྒྱ་འོག་གི་ལན་ཀ་ཁ་ག་འབད་ཡོད་ས་ལས་ལན་ངོ་མ་གདམ་ཁ་རྐྱབ་སྟེ་བྲིས།
༡༽ཡིག་རྒྱུགས་འདི་་་་་་་་་་
ཀ༽ས་གཞི་བདག་འཛིན་འབད་དགོ་པའི་ལོ་རྒྱུས་ཨིན། ཁ༽ལཱ་གཡོག་གི་སྐོར་ལས་ཨིན་མས།
ག༽སོ་ནམ་ལཱ་ལུ་སྤྲོ་བ་བསྐྱེད་དགོ་པའི་སྐོར་ལས་ཨིན་མས།ང༽ཚོད་བསྲེ་བཙོང་ཐངས་སྐོར་ཨིན་མས།
༢༽འབྲུག་གི་ས་གཞི་ནང་ལུ་་་་་་་་་
ཀ༽ལོ་ཐོག་ཚུ་འཚོ་མི་ཚུགས། ཁ༽ལོ་ཐོག་ཚུ་གང་བ་ལེགསཔ་སྦེ་འཚོཔ་ཨིན།
ག༽ཀེ་བ་རྐྱངམ་ཅིག་འཚོཔ་ཨིན། ང༽ཚོད་བསྲེ་རྐྱངམ་ཅིག་འཚོཔ་ཨིན།
༣༽སོ་ནམ་ལཱ་ལུ་སྤྲོ་བ་བསྐྱེད་པ་ཅིན་་་་་་་་་་་
ཀ༽གཞུང་གཡོག་ནང་སྡོད་མི་ཚུ་ལུ་ཕན་ཐོགས་ཚུགས།
ཁ༽གཡུས་ཁ་སྡོད་མི་ཚུ་ལུ་ཕན་ཐོགས་ཚུགས།
ག༽རང་དང་གཞན་གཉིས་ཆ་ར་ལུ་ཕན་ཐོགས་ཚུགས་།
ང༽རྒྱལ་ཁབ་ལུ་ཕན་ཐོགས་ཚུགས།
༤༽ན་གཞོན་མཁས་དྲག་ལེ་ཤ་འཐོན་མི་ལས་བརྟེན་་་་་་་་
ཀ༽གཞུང་གི་ཆ་མཉམ་ལུ་ལཱ་གཡོག་གནང་ནུག།
ཁ༽རྒྱལ་ཁབ་ནང་ལཱ་གཡོག་གི་དཀའ་ངལ་འཐོན་ནུག།
ག༽མ་དངུལ་མ་ལང་པའི་དཀའ་ངལ་ཚུ་འཐོན་ནུག།
ང༽ཚོད་བསྲེ་བཙོང་ཚུགས་ནུག།
༥༽དག་སྣང་བསྐྱེད་ཟེར་མི་འདི་་་་་་་་་་
ཀ༽སྤྲོ་བ་བསྐྱེད་ནི་ལུ་སླབ་ཨིན། ཁ༽ལཱ་འབད་ནི་ལུ་སླབ་ཨིན།
ག༽ཡོན་ཏན་ལྷབ་ནི་ལུ་སླབ་ཨིན། ང༽ཚོད་བསྲེ་བཙུགས་ནི་ལུ་སླབ་ཨིན།
༦༽སོ་ནམ་ལཱ་འབད་བ་ཅིན་་་་་་་་་་་
ཀ༽ཕྱུགཔོ་འབད་སྡོད་ཚུགས། ཁ༽ཉམས་མྱོང་ཐོབ་ཚུགས།
ག༽བཟའ་འཐུང་མེད་པའི་དཀའ་ངལ་མི་འཐོན། ང༽སྤྱང་ཀ་འགྱོ་འོང་།
༧༽མ་དངུལ་གྱི་འཐོན་ཁུངས་དྲག་ཤོས་ར་་་་་་་་་་
ཀ༽ཤིང་བཟོ་གི་ལཱ་ལས་ཨིན། ཁ༽སོ་ནམ་གྱི་ལཱ་ལས་ཨིན།
ག༽ཚོང་ལཱ་ལས་ཨིན། ང༽གཞུང་གཡོག་ལས་ཨིན།
༨༽མཐར་འཁྱོལ་ཟེར་མི་འདི་་་་་་་་་་་
ཀ༽གྲུབ་འབྲས་ལེགས་ཤོམ་འཐོན་མི་ལུ་སླབ་ཨིན། ཁ༽གྲུབ་འབྲས་མ་འཐོན་མི་ལུ་སླབ་ཨིན།
ག༽ཡོན་ཏན་མ་ལྷབ་མི་ལུ་སླབ་ཨིན། ང༽ཡོན་ཏན་མ་ལྷབ་ལུ་སླབ་ཨིན།
༩༽ག་ནི་ཡང་མ་འབད་བར་སྡོད་པ་ཅིན་་་་་་་་་
ཀ༽ཏི་རུ་ཐོབ། ཁ༽མི་ཚེ་མཐར་འཁྱོལ་ཚུགས།
ག༽མི་ཚེ་མཐར་འཁྱོལ་མི་ཚུགས། ང༽གཡོག་ཐོབ་ཚུགས།
༡༠༽སོ་ནམ་གྱི་འཐོན་ཁུངས་ཚུ་རོགས་ལུ་བཙོང་པ་ཅིན་རང་གི་ཧེམ་ཅུང་ནང་་་་་་་་་་
ཀ༽དངུལ་ཀྲམ་ཐོབ། ཁ༽ལྟོ་ཐོབ། ག༽ཚོང་དཔོན་གྱི་མིང་ཐོབ།ང༽གསེར་ཐོབ།
༡༡༽དཔེ་ཆ་བལྟ་ཚར་ཞིནམ་ལས་་་་་་་་་་
ཀ༽གཞུང་གཡོག་ར་འཐོབ་དགོཔ་ཨིན། ཁ༽སོ་ནམ་གྱི་ལཱ་འབད་རུང་བཏུབ།
ག༽སོ་ནམ་གྱི་ལཱ་འབད་མི་བཏུབ། ང༽གཞུང་གཡོག་འབད་མི་བཏུབ།
༡༢༽སོ་ནམ་གྱི་ལཱ་ལུ་མ་བརྟེན་པ་ཅིན་་་་་་་་་་
ཀ༽རང་ལུ་ཏི་རུ་མི་ཐོབ། ཁ༽རོགས་ལུ་བཙོང་ནི་མི་འཐོན།
ག༽ག་ར་ལུ་བཟའ་འཐུང་གི་དཀའ་ངལ་འཐོན་འོང་། ང༽གཞུང་གཡོག་ཐོབ།
༡༣༽སོ་ནམ་གྱི་ལཱ་འབདཝ་ད་་་་་་་་་་་་་་་་
ཀ༽ཏོག་ཙེ་དང་གླང་དགོ། ཁ༽གླང་དང་རོ་ཁྱི་དགོ།
ག༽ཆུ་དང་ལུད་མི་དགོ། ང༽ས་ཞིང་མི་དགོ།
༡༤༽དངུལ་ཕོག་ཟེར་མི་འདི་་་་་་་་་་་་
ཀ༽ཨ་རྟག་ར་ཐོབ་མི་ཏི་རུ་ལུ་སླབ་ཨིན། ཁ༽ཟླ་རིམ་བཞིན་དུ་ཐོབ་མི་ཏི་རུ་ལུ་སླབ་ཨིན།
ག༽ལོ་རེ་གི་བར་ན་ཐོབ་མི་ཏི་རུ་ལུ་སླབ་ཨིན། ང༽བདུན་ཕྲག་རེ་ལུ་ཐོབ་མི་ཏི་རུ་ལུ་སླབ་ཨིན།
༡༥༽གཞུང་གཡོག་དང་སོ་ནམ་པ་གི་ཁྱད་པར་་་་་་་་་་་་་་་
ཀ༽ཁྱིམ་དང་ཞིང་ནང་ལཱ་འབད་མི། ཁ༽ ཚོང་ཁང་དང་སློབ་གྲྭ་ནང་ལཱ་འབད་མི།
ག༽ཡིག་ཚང་དང་ཞིང་ནང་ལཱ་འབད་མི། ང༽ཚོང་ཁང་དང་ཞིང་ནང་ལཱ་འབད་མི།
ཁ༽ལན་ཐུང་ཀུའི་དྲི་བ།
༡༽འོག་གི་མིང་ཚིག་ཚུ་ལག་ལེན་འཐབ་སྟེ་རྗོད་ཚིག་བཟོ། ༼༥༽
༡༽མཁས་དྲག། ༢༽ཕྱུགཔོ། ༣༽འཐོན་ཁུངས། ༤༽ཚ་དྲོད།
༥༽མི་རློབས།
༢༽འོག་གི་མིང་ཚིག་ཚུ་གི་འགལ་མིང་ཡིག་རྒྱུགས་ནང་ལས་འཚོལ་ཏེ་བྲིས། ༼༥༽
-
རང་ལུ། - ཉོ། - སྤྱང་ཀ། - སྐྱོ་ཤོས། - ཟོགཔ།
༼སྐུགས་༡༠༽
བཀོད་རྒྱ་འོག་གི་དྲི་བ་ཚུ་ལེགས་ཤོམ་འབད་ལྷག་སྟེ་ལན་ཧིང་སངས་ས་འབད་བྲིས།
༡༽ན་གཞོན་ཆ་མཉམ་ལུ་གཡོག་ཐོབ་ག?ག་ཅི་འབད?༼༢༽
༢༽སོ་ནམ་གྱི་ལཱ་འབད་བ་ཅིན་རང་དང་གཞན་ལུ་ཕན་ག་དེ་སྦེ་ཐོགས་ཚུགསཔ་སྨོ?༼༣༽
༣༽འབྲུག་པའི་ས་གཞི་ག་ཅི་སྦེ་ཕུན་སུམ་ཚོགསཔ་སྨོ?༼༢༽
༤༽གཞུང་གཡོག་དང་སོ་ནམ་གྱི་ལཱ་གཉིས་ལས་མ་དངུལ་གྱི་འཐོན་ཁུངས་ག་འདི་དྲག་པས?ག་དེ་སྦེ?
ཁྱོད་རའི་བསམ་འཆར་བྲིས།༼༣༽
དྲི་བའི་ཚན་གཉིས་པ། ༼སྐུགས་༣༥༽
བཀོད་རྒྱ་འོག་གི་དྲི་བ་ཚུ་ལེགས་ཤོམ་འབད་ལྷག་སྟེ་དྲི་བའི་ལན་རིང་སུ་འབད་བྲིས།
༡༽སོ་ནམ་གྱི་ལཱ་ལུ་སྤྲོ་བ་བསྐྱེད་པའི་ཕན་པ་རྗོད་ཚིག་༥བྲིས།༼༥༽
༢༽ཁྱོད་དངུལ་ཕོག་མ་ཐོབ་མི་ཅིག་ཨིན་པ་ཅིན་ག་ཅི་འབད་ནི?བསམ་འཆར་བྲིས།༼༧༽
༣༽འབྲུག་རྒྱལ་ཁབ་འདི་སོ་ནམ་ལཱ་ལུ་ག་ཅི་འབད་སྤྲོ་བ་བསྐྱེདཔ་སྨོ?ཁུངས་བཀལ།༼༧༽
༤༽ཤུལ་ལས་སློབ་རིམ་༡༥མཇུག་བསྡུ་འབད་གཡོག་མ་ཐོབ་པ་ཅིན་སོ་ནམ་ལཱ་འབད་ནིའི་རེ་བ་ཡོད་ག?བསམ་འཆར་ལེགས་ཤོམ་འབད་བྲིས།༼༧༽
༥༽སོ་ནམ་ལཱ་འབད་བའི་བསྒང་གི་མཐོང་སྣང་དག་པ་ཅིག་པར་གྱི་ཐོག་ལུ་བྲིས།༼༩༽
སྡེ་ཚན་གསུམ་པ། སྙན་རྩོམ། ༼སྐུགས་༣༠༽
བཀོད་རྒྱ་འོག་གི་སྙན་རྩོམ་འདི་ལེགས་ཤོམ་འབད་ལྷག་སྟེ་དྲི་བ་ཚན་༡པ་དང་ཚན་༢པ་འབད་ཡོད་ས་ལས་
དྲི་བ་ཚན་༡གདམ་ཁ་རྐྱབ་སྟེ་སྐུགས་༡༥གི་ལན་ཚུ་བྲིས།
ནང་རང་གིས་བལྟ་རུང་དགའ་ཏོག་ཏོ།། ཕྱི་མི་གིས་བལྟ་རུང་སྐྱིད་ཏོང་ཏོ།།
སེམས་དགའ་མི་དགའ་ལུས་སྐྱིད་མི་སྐྱིད།། ང་བཅས་འབྲུག་གི་རྒྱལ་ཁབ་ནང་།།
འབྲུག་པའི་ས་ཁར་སྐྱེས་མི་ང་བཅས།། ཉམས་དགའ་བའི་ཕང་རིལ་སྒྱུར་དོ་ས།།
སྡོདན་སྡོད་ས་ཡོད་འཁྱམསན་འཁྱམས་ས་ཡོད།།ཉེན་ཁ་མེད་པའི་འབྲུག་ཡུལ་ནང་།།
སྐྱིདན་ནམ་མཁའི་བྱ་ཡང་འཁོར་དོ་བཟུམ།། ཕྱི་མི་ཡང་འཁོར་ས་འབྲུག་ཡུལ་ནང་།།
ནང་གནས་ཀྱིས་གང་ཕྱི་གངས་རིས་བསྐོར།། འཛམ་གླིང་ནང་གི་ལྷ་ཡུལ་ཨིན།།
དྲི་བའི་ཚན་དང་པ།
ཀ༽འོག་གི་དྲི་བའི་བཞི་ཡོད་ས་ལས་ལན་ངོ་མ་འདི་གདམ་ཁ་རྐྱབ་སྟེ་བྲིས། ༼སྐུགས་༡༠༽
༡༽སྙན་རྩོམ་འདི་་་་་་་་་་་་
ཀ༽ཞབས་ཁྲ་ཨིན། ཁ༽རྩང་མོ་ཨིན། ག༽དཔྱེ་གཏམ་ཨིན། ང༽བློ་ཟེ་ཨིན།
༢༽སེམས་དགའ་ལུས་སྐྱིད་ས་་་་་་་་་
ཀ༽རང་གི་ཁྱིམ་ནང་ཨིན། ཁ༽ལྷ་ཡུལ་ལུ་ཨིན།
ག༽འབྲུག་རྒྱལ་ཁབ་ནང་ཨིན། ང༽ཕྱིའི་རྒྱལ་ཁབ་ནང་ཨིན།
༣༽ནང་རང་གིས་བལྟ་རུང་དགའ་ཏོག་ཏོ་ཟེརཝ་ད་ནང་རང་་ཟེར་མི་འདི་་་་་་་
ཀ༽ཕྱི་རྒྱལ་ཁབ་ཀྱི་མི་ཟེར་བའི་དོན་ཨིན། ཁ༽རྒྱལ་ཁབ་ནང་གི་མི་ང་བཅས་ཟེར་བའི་དོན་ཨིན།
ག༽ཁྱིམ་ནང་རང་ཟེར་བའི་དོན་ཨིན། ང༽ཕྱི་ནང་གི་མི་གེ་ར་ཟེར་བའི་དོན་ཨིན།
༤༽ཕྱི་མི་གིས་བལྟ་རུང་སྐྱིད་ཏོང་ཏོ་ཟེརཝ་ད་ཕྱི་མི་འདི་་་་་་་་་་
ཀ༽ང་བཅས་འབྲུག་རྒྱལ་ཁབ་ཀྱི་མི་ཨིན། ཁ༽རང་གི་ཁྱིམ་ནང་གི་མི་ལུ་སླབ་ཨིན།
ག༽གཞན་རྒྱལ་ཁབ་ཀྱི་མི་ལུ་སླབ་ཨིན། ང༽ཕྱི་ནང་གཉིས་ཀྱི་མི་ལུ་སླབ་ཨིན།
༥༽འབྲུག་པའི་ས་ཁར་སྐྱེས་མི་ང་བཅས་ཟེར་མི་འདི་་་་་་་་
ཀ༽འབྲུགཔ་ལུ་སླབ་ཨིན། ཁ༽ཕྱི་གླིངཔ་ལུ་སླབ་ཨིན།
ག༽བོདཔ་ལུ་སླབ་ཨིན། ང༽མི་གེ་ར་ལུ་སླབ་ཨིན།
༦༽ཉམས་དགའ་བའི་ཕང་རིལ་སྒྱུར་མི་་་་་་་་
ཀ༽འཛམ་གླིང་གི་མི་ཚུ་ཨིན། ཁ༽རྒྱ་གར་གི་མི་ཚུ་ཨིན།
ག༽ཕྱི་རྒྱལ་ཁབ་ཀྱི་མི་ཚུ་ཨིན། ང༽འབྲུག་པའི་མི་ཚུ་ཨིན།
༧༽ནམ་མཁའི་བྱ་འཁོར་དོ་བཟུམ་འཁོར་མི་་་་་་་
ཀ༽ཕྱི་མི་ཨིན། ཁ༽འབྲུག་མི་ཨིན། ག༽ཕྱི་ནང་གི་མི་ཨིན། ང༽མི་སེར་ཚུ་ཨིན།
༨༽འབྲུག་རྒྱལ་ཁབ་ནང་་་་་་་་
ཀ༽མི་སེར་གྱི་གང་སྟེ་ཡོད། ཁ༽རྒྱུ་ནོར་གྱི་གང་སྟེ་ཡོད།
ག༽གནས་ཀྱི་གང་སྟེ་ཡོད། ང༽ནགས་ཚལ་གྱི་གང་སྟེ་ཡོད།
༩༽འབྲུག་རྒྱལ་ཁབ་འདི་ཕྱི་་་་་་་་་་་
ཀ༽མི་སེར་གྱིས་བསྐོར་ཏེ་ཡོད། ཁ༽མེ་ཏོག་ལྡུམ་ར་གིས་བསྐོར་ཏེ་ཡོད།
ག༽ནགས་ཚལ་གྱིས་བསྐོར་ཏེ་ཡོད། ང༽གངས་རིགིས་བསྐོར་ཏེ་ཡོད།
༡༠༽ཞབས་ཁྲ་འདི་ལུ་ཚིགས་བཅད་་་་་་་་་་་
ཀ༽ ༡་འདུག། ཁ༽༢་འདུག། ག༽༣འདུག། ང༽༤འདུག།
ཁ༽འོག་གི་དྲི་བ་ཚུ་ལེགས་ཤོམ་འབད་ལྷག་སྟེ་ལན་ཐུང་སུ་འབད་བྲིས། ༼སྐུགས་༢༠༽
༡༽སྙན་རྩོམ་འདི་ག་ཅི་གི་སྐོར་ལས་ཨིན་པས?༼༢༽
༢༽འབྲུག་རྒྱལ་ཁབ་འདི་ཕྱི་དང་ནང་ལས་བལྟཝ་ད་ག་དེ་སྦེ་འདུག་ཟེརཝ་སྨོ?༼༢༽
༣༽སྡོདན་དང་འཁྱམསན་ཟེར་བའི་ཚིག་གི་དོན་དག་བྲིས།༼༢༽
༤༽འོག་གི་མིང་ཚིག་ཚུ་ལག་ལེན་འཐབ་སྟེ་བརྗོད་ཚིག་བཟོ༼༤༽
༡༽ཉེན་ཁ། ཁ༽ཉམས་དགའ།
༥༽སེམས་དགའ་མི་དགའ་དང་ལུས་སྐྱིད་མི་སྐྱིད་ཟེར་མི་འདི་ག་ཅི་བཟུམ་འོང་ནི་མས? བྲིས།༼༢༽
༦༽འོག་གི་འགལ་མི་གཉིས་མཐུན་སྐྲིག་འབད།༼༤༽
༡དགའ ཀརོགས།
༢ཕྱི་ ཁསྤང་གཤོང་།
༣རང་ གསྐྱོ།
༤གངས་རིས་ ང་ནང་།
༧༽སྐྱིདན་ནམ་མཁའི་བྱ་ཡང་འཁོར་ཟེར་མི་འདི་དཔེ་ག་ཅི་བཟུམ་ཅིག་ལུ་བཞག་བཏུབ་ནི་མས? བཤད་པ་ཐུང་ཀུ་ཅིག་བྲིས།༼༤༽
དྲི་བའི་ཚན་གཉིས་པ།
ག༽འོག་གི་དྲི་བ་ཚུ་ལེགས་ཤོམ་འབད་ལྷག་སྟེ་ལན་རིངམོ་འབད་བྲིས། ༼སྐུགས་༣༠༽
༡༽སྐྱིདན་ནམ་མཁའི་བྱ་ཡང་འཁོར་དོ་བཟུམ།།ཕྱི་མི་ཡང་འཁོར་ས་འབྲུག་ཡུལ་ནང་།།ནང་གནས་ཀྱིས་གང་ཕྱི་
གངས་རིས་བསྐོར།།འཛམ་གླིང་ནང་གི་ལྷ་ཡུལ་ཨིན།།ཟེར་མི་འདི་གི་འགྲེལ་བཤད་བྲིས།༼༥༽
༢༽ཉེན་ཁ་མེད་པའི་འབྲུག་ཡུལ་ནང་།།ཟེར་མི་འདི་ག་ཅི་འབད་སླབ་ཨིན་ན་?བཤད་པ་ཐུང་ཀུ་ཅིག་བྲིས།༼༥༽
༣༽སྙན་རྩོམ་འདི་ལྷག་སྟེ་དོན་མཚམས་གཉིས་ནང་བཤད་པ་རྐྱབ་སྟེ་བྲིས།༼༡༠༽
༤༽འབྲུག་རྒྱལ་ལྔ་པ་ལུ་གཞི་བཞག་སྟེ་ཞབས་ཁྲ་ཚིག་བཅད་༢བྲིས།༼༡༠༽
བཀྲིས་བདེ་ལེགས།།
Comments
Post a Comment