རྫོང་ཁག་ཤེས་རིག་སྡེ་ཚན།
སྤྱི་ལོ་༢༠༡༧།
ཆོས་ཚན་རྫོང་ཁ། སྐུགས་བསྡོམས་༡༠༠།
སློབ༌རིམ༌ལྔ༌པ།དུས་ཡུན་ཆུ་ཚོད་༢།
འོག་ལུ་བཀོད་དེ་ཡོད་མི་བཀོད་རྒྱ་ཚུ་ལེགས་ཤོམ་འབད་ལྷག།
༡- འབྲི་ནི་འགོ་མ་བཙུགས་པའི་ཧེ་མར་སྐར་མ་༡༥གི་རིང་ལུ་དྲི་ཤོག་འདི་ལེགས་ཤོམ་འབད་ལྷག་སྟེ་བལྟ།ལྷག་ཚར་བའི་ཤུལ་
ལས་འབྲི་ནི་གི་དོན་ལུ་ཆུ་ཚོད་༢ཐོབ།
༢- འབྲི་དགོ་པའི་དྲི་བའི་ལན་ཚུ་ག་ར་ལན་ཤོག་ནང་ལུ་ཧིང་སངས་ས་འབད་འབྲི་དགོ།
༣-དྲི་ཤོག་འདི་ནང་ལུ་དྲི་བ་སྡེ་ཚན་ཀ་ཁ་ག་ང་བཞི་འབད་ཡོད།དེ་ནང་ལས་སྡེ་ཚན་ཀ་དང་ཁ་གི་ལན་ག་ར་ཨིན་ཅི་མིན་ཅི་
འབྲི་དགོཔ་ཨིན།
༤- སྡེ་ཚན་ག་ལུ་ནང་གསེས་སྲུང་ཐུང་ཀུ་དང་
འབྲི་རྩོམ་སྙན་རྩོམ་འབད་གསུམ་ཡོད།སྡེ་ཚན་རེ་ལུ་དྲི་བ་ཚན་༡པ་དང༢འབད་
ཡོད།ཚན་༡པའི་ནང་ལུ་དྲི་བ་དང་པ་ཀ་དང་ཁ་འབད་ཡོད།ཚན་གཉིས་པའི་ནང་དྲི་བ་༡ལས་༣ཚུན་ཡོད།ཚན་གཉིས་རེ་ཡོད་
མི་ནང་ལས་ག་འབད་རུང་ཚན་རེ་གདམ་ཁ་རྐྱབ་སྟེ་བྲིས།
༥- ཁྱོད་ཀྱིས་དྲི་བ་ཚན་བསྡོམས་གསུམ་གྱི་ལན་འབྲི་དགོ།དེ་འབདཝ་ད་སྡེ་ཚན་གསུམ་ག་འབད་རུང་ཅིག་ནང་ལས་དྲི་བ་ཚན་
གཉིས་པ་༡ཨིན་ཅི་མིན་ཅི་གདམ་ཁ་རྐྱབ་སྟེ་ལན་འབྲི་དགོ།
༦- སྡེ་ཚན་རེ་རེའི་ནང་ཡོད་པའི་དྲི་བ་ཚན་༢ཆ་ར་གདམ་ཁ་རྐྱབ་མི་ཆོག།
༧- སྡེ་ཚན་དང་འཁྲིལ་བའི་དྲི་བ་ཚན་རེ་རེ་བཞིན་གྱི་དྲི་བའི་བཀོད་རྒྱ་ཁ་གསལ་འབད་བཀོད་དེ་ཡོད་མི་ཚུ་ལེགས་ཤོམ་འབད་
ལྷག་སྟེ་ལན་བྲིས།དེ་མ་ཚད་དྲི་བའི་ཨང་ཚུ་ཀྲིག་ཀྲི་འབད་འབྲི་དགོཔ་ཁག་ཆེ།
༨- ཆོས་རྒྱུགས་འགོ་བཙུགས་ཞིནམ་ལས་བློ་སླབ་ནི་དང་དྲི་བ་འདྲི་ནི་ཕར་ཚུར་འགྱོ་ནི་ཚུ་འབད་མི་ཆོག།
༩- ཆོས་རྒྱུགས་ཁང་ནང་ལས་ཕྱི་ཁར་འཐོན་མ་འགྱོ་བའི་ཧེ་མར་དྲི་བ་ག་ར་གི་ལན་ཚུ་ཀྲིག་ཀྲི་འབད་བྲིས་མ་བྲིས་བརྟག་ཞིབ་
འབད་དགོ།
༡༠- དུས་ཚོད་མ་ཚངམ་ལས་དྲི་བའི་ལན་ཚུ་འབྲི་ཚར་བ་ཅིན་ལན་ཤོག་ཁ་བསྡམས་ཞིནམ་ལས་ཁུ་སིམ་སིམ་འབད་སྡོད་དགོ།
|
དྲན་གསོ།ལན་ཤོག་གུ་ཁྱོད་རའི་མིང་དང་སློབ་རིམ་སྡེ་ཚན་ཚུ་མ་བརྗེད་པར་འབྲི་དགོ།
|
སྡེ་ཚན་ཀ།འབྲི་ནི། སྐུགས་༢༠།
དྲི་བ་དང་པ། འབྲི་རྩོམ། སྐུགས་༢༠།
བཀོད་རྒྱཿ འོག་ལུ་འབྲི་རྩོམ་གྱི་དོན་ཚན་གཉིས་ཡོད་ས་ལས་གཅིག་གདམ་ཁ་རྐྱབ་སྟེ་བྲིས།
༡༽སློབ་དཔོན་འདི་ང་བཅས་ལུ་བཀའ་དྲིན་ཆེ་ཤོས་ཅིག་ཨིན་ཟེར་བའི་དོན་ཚན་གུ་གསལ་བཤད་ཚིག་འབྲུ
༡༥༠ ལས ༢༠༠ གི་
བར་ན་བྲིས།
༢༽སློབ་གྲྭ་འདི་དགའ་ཏོག་ཏོ་དང་བྱ་ཆི་ཆི་ཡོད་པའི་སྐོར་ལས་འགྲེལ་བཤད་འབྲི་རྩོམ་ཚིག་འབྲུ
༡༥༠ ལས་༢༠༠ འབད་མི་
ཅིག༌བྲིས།
དྲི་བ་གཉིས་པ༽ ཡིག་འགྲུལ།སྐུགས་༡༠།
བཀོད་རྒྱཿ འོག་ལུ་གཏང་ཡིག་གི་དྲི་བ་༢ཡོད་ས་ལས་གཅིག་གདམ་ཁ་རྐྱབ་སྟེ་བྲིས།
༡༽སློབ་སྡེའི་སློབ་དཔོན་ལུ་སློབ་ཁང་ནང་ལྷོད་མི་ཚུགས་པས་ཟེར་ངལ་གསོའི་ཞུ་ཡིག་ཅིག་བྲིས།
ཞུ་ཡིག་ནང་ལུ་འོག་གི་གནད་དོན་ཚུ་ཚང་དགོ།
v ཞུ་ཡིག་ག་ལུ་འབྲིཝ་ཨིན་ན་འདི་གི་ཁ་བྱང་དང་འབྲི་མི་རང་གི་ཁ་བྱང་།
v སློབ་གྲྭ་ནང་ལུ་ལྷོད་མ་ཚུགས་པའི་གནད་དོན་ཁ་གསལ།
v ངལ་གསོའི་ཉིནམ་གྱངས་ཁ།
v ཡི་གུ་བསྐྱལ་བའི་ཟླ་ཚེས།
༢༽ལོ་ཕྱེད་ངལ་གསོའིབསྒང་
ཁྱོད་གཡུས་ཁར་འོང་ནི་དོན་ལུ་ཏི་རུ་སྐྱེལ་གནང་ཟེར་ཕམ་གཉིས་ལུ་ཡི་གུ་ཅིག་བྲིས།
གཏང་ཡིག་ནང་ལུ་འོག་གི་གནད་དོན་ཚུ་ཚང་དགོ།
v གཏང་ཡིག་ག་ལུ་འབྲིཝ་ཨིན་ན་
འདི་གི་ཁ་བྱང་དང་འབྲི་མི་རང་གི་ཁ་བྱང་།
v ཏི་རུ་ག་དེམ་ཅིག་དགོཔ་ཨིན་ན་གྱངས་ཁ།
v ཏི་རུ་ནམ་ལྷོད་དགོ་ག་ཚེས་གྲངས་ཁ་གསལ།
v ཡི་གུ་བསྐྱལ་བའི་ཟླ་ཚེས།
སྡེ་ཚན་ ཁ་།ཡི་གུའི་སྦྱོར་བ།སྐུགས་༢༠།
དྲི༌བ༌གསུམ༌པ།བཀོད༌རྒྱ༌འོག༌གི༌དྲི༌བ༌རེ༌ལུ༌ལན༌ཀ༌ཁ༌ག༌ང༌འབད༌བཞི༌རེ༌བཀོད༌དེ༌ཡོད༌པའི༌ནང༌ལས༌ལན༌ངོ༌མ༌ག༌ཨིན༌མི༌
འདི༌གདམ༌ཁ༌རྐྱབ༌སྟེ༌བྲིས།
ཀ༽གདམ་ཁ་ཅན་གྱི་དྲི་བ།སྐུགས་༡x༡༠=༡༠།
༡༽བསོད་ནམས་ཟེར་མི་འདི་་་་་་་་་་་
ཀ)
མིང་ཨིན།
ཁ)མིང་ཚབ་ཨིན།
ག)
བྱེད་པ་པོ་ཨིན།
ང)མིང་གི་ཁྱད་ཚིག་ཨིན།
༢༽བ་ལས་ཨོམ་ཟེར་བ་ཅིན་་་་་་་་་
ཀ)
འབྱུང་ཁུང་ཆ་འདྲ་བ་ཨིན།
ཁ)འབྱུང་ཁུངས་དངོས་ཨིན།
ག)འགྲན་སྡུར་ཨིན།
ང)སྡུད་པའི་སྒྲ་ཨིན།
༣༽མིང་མཐའི་ཡི་གུ་ཟེར་མི་འདི་་་་་་་་་
ཀ) པ་པོ་མ་མོ་བོ་ཝ་ཚུ་ལུ་སླབ་ཨིན།
ཁ)པ་པོ་མ་མོ་ཝ་ན་ཚུ་ལུ་སླབ་ཨིན།
ག)ན་ནི་པ་པོ་མ་མོ་ཚུ་ལུ་སླབ་ཨིན།
ང)ན་ནི་པ་པོ་མ་མོ་བོ་ཝ་ན་ཚུ་ལུ་སླབ་ཨིན།
༤༽མིང་གཞི་གི་ཡི་གུ་ཟེར་མི་འདི་་་་་་་་་་
ཀ)དབྱངས་བཞི་ལུ་སླབ་ཨིན།
ཁ)སྔོན་འཇུག་ལྔ་ལུ་སླབ་ཨིན།
ག)གསལ་བྱེད་སུམ་བཅུ་ལུ་སླབ་ཨིན།
ང)རྗེས་འཇུག་བཅུ་ཐམ་ལུ་སླབ་ཨིན།
༥༽གསལ་བྱེད་སུམ་བཅུ་ནང་ལས་ཝ་འ་ལ་ཧ་ཨ་བཞིཔོ་ལུ་་་་་་་་་
ཀ)དབྱངས་བཞི་མི་འཇུག།
ཁ)རྗེས་འཇུག་མི་འཇུག།
ག)ཡང་འཇུག་མི་འཇུག།
ང)སྔོན་འཇུག་མི་འཇུག།
༦༽ སྔོན་འཇུག་(ད)གིས་ མིང་གཞིའི་ཡི་གུ་༌༌༌༌༌༌༌༌༌༌
ཀ) ༡༡
ལུ་འཇུགཔ་ཨིན།
ཁ) ༡༦
ལུ་འཇུགཔ་ཨིན།
ག) ༦
ལུ་འཇུགཔ་ཨིན།
ང) ༣༠
ལུ་འཇུགཔ་ཨིན།
༧༽
རྗོད་སྒྲ་ངོ་མ་ སྟོན་ཚུགས་པའི་ཡི་གུ་ལུ་༌༌༌༌༌༌༌༌༌༌༌
ཀ) དབྱངས་ཟེར་སླབ་ཨིན།
ཁ)
མིང་གཞི་ཟེར་སླབ་ཨིན།
ག) གསལ་བྱེད་ཟེར་སླབ་ཨིན།
ང)
མགོ་ཅན་དང་འདོགས་ཅན་ཟེར་སླབ་ཨིན།
༨༽
ཡ་བཏགས་ཀྱི་ཡི་གུ་༌༌༌༌༌༌༌༌༌
ཀ) ༧ ཡོད།
ཁ) ༦ ཡོད།
ག) ༡༠ ཡོད།
ང) ༡༡ ཡོད།
༩༽
ཡང་འཇུག་(ས) གིས་རྗེས་འཇུག་གི་ཡི་གུ་༌༌༌༌༌༌༌༌
ཀ) ༡༠
ལུ་འཇུགཔ་ཨིན།
ཁ) ག་ང་བ་མ་བཞི་ལུ་འཇུགཔ་ཨིན།
ག)
ད་བ་ས་གསུམ་ལུ་འཇུགཔ་ཨིན།
ང) ག་ད་བ་མ་འ་
ལྔ་ལུ་འཇུགཔ་ཨིན།
༡༠༽
བྱ་ཚིག་གི་ཚིག་གྲོགས་ དོ་དེས་ གཉིསཔོ་འདི་༌༌༌༌༌༌༌༌༌༌
ཀ) དུས་འདས་པ་ལུ་
འཇུགཔ་ཨིན།
ཁ) དུས་ད་ལྟ་བ་ལུ་
འཇུགཔ་ཨིན།
ག)
དུས་མ་འོངས་པ་ལུ་ འཇུགཔ་ཨིན།
ང)
དུས་གསུམ་ཆ་ར་ལུ་ འཇུགཔ་ཨིན།
ཁ༽
ལན་ཐུང་ཀུའི་དྲི་བ། སྐུགས་(༥x༢=༡༠)
༡༽འབྱུང་ཁུངས་འགྲན་སྡུར་གྱི་དཔེར་བརྗོད་༢བྲིས།
༢༽རྗེས་འཇུག་ཡི་གུ་ག་ཅི་ར་ཨིན་ན? ག་ར་བྲིས།
༣༽ལ༌དོན༌གྱི༌ཕྲད༌ན༌དང༌ལུ་གཉིས༌བཙུགས༌ཏེ༌དཔེར༌བརྗོད༌རེ༌རེ༌བྲིས།
༤༽ལ༌དོན༌ཟེར༌མི༌འདི༌ག༌ཅི༌སྨོ? གོ༌དོན༌བྲིས།
༥༽བྱ་ཚིག་གི་ཚིག་གྲོགས་ཅི།ཡི།ནུག།དོ།དེས།ནི།འོང།གེ།ཚུ་དུས་གསུམ་ལུ་ཐོབ་ཐངས་ཚུ་ཁྱད་པར་ཕྱེ་སྟེ་བྲིས།
སྡེ་ཚན་ ག།ལྷག་རིག་དང་རྩོམ་རིག། སྐུགས་༥༠།
དྲི་བ་བཞི་པ། སྲུང་དང་གཏམ་བརྒྱུད།སྐུགས་༢༠།
བཀོད་རྒྱཿའོག་གི་སྲུང་གི་དོན་མཚམས་འདི་ལུ་གཞི་བཞག་སྟེ་དྲི་བ་ཚན་དང་པ་དང་གཉིས་པ་འབད་ཡོད་ས་ལས་ཚན་གཅིག་གདམ་ཁ་རྐྱབ་སྟེ་འབྲི་དགོཔ་ཨིན།
་་་་་་་་་་་་་་་་་་་་་ཁོང་གཉིས་གཉེན་རྐྱབ་སྟེལོ་ངོ་མང་རབས་ཅིག་ཡར་སོང་རུང་བར་ན་བུ་གཞིས་ཟེརཝ་མེད་པར་སེམས་ཕམ་སྟེ་སྡོད་སྡོད་བར་་་་་་་་་་་་་་་་་་་་་་་་
དྲི་བ་ཚན་དང་པ།སྐུགས་༢༠།
ཀ༽འོག་གི་དྲི་བ་རེ་ལུ་ལན་ཀ་ཁ་ག་ང་འབད་༤རེ་བཀོད་དེ་ཡོད་ས་ལས་ལན་ངོ་མ་༡ཡོད་མི་འདི་གདམ་ཁ་རྐྱབ་སྟེ་ལན་
ཤོག་ནང་ལུ་བྲིས། (༡
༡༠=༡༠)
༡༽གོང་གི་ཡིག་རྒྱུགས་འདི་སྲུང་་་་་་་་་་་
ཀ)སྤུན་ཆ་གཉིས་ཀྱི་འཇིགས་སྣང་ནང་ལས་བཏོན་ནུག།
ཁ)རྟ་མགྲིན་རྡོ་རྗེ་དང་པདྨ་ཚེ་རིང་གི་ནང་ལས་བཏོན་ནུག།
ག)
མཉམ་འབྲེལ་གྱི་ནང་ལས་བཏོན་ནུག།
ང)ཕ་དང་བུ་གི་ནང་ལས་བཏོན་ནུག།
༢༽ཁྱི་མེད་ལྷ་ཁང་འདི་་་་་་་་་་་་
ཀ)ཆོས་རྗེ་འབྲུག་པ་ཀུན་ལེགས་ཀྱི་གདན་ས་ཨིན།
ཁ)ཆོས་རྗེ་ངག་དབང་ཆོས་རྒྱལ་གྱི་གདན་ས་ཨིན།
ག)ཆོས་རྗེ་འབྲུག་པ་རིན་པོ་ཆེ་གི་གདན་ས་ཨིན།
ང)ཆོས་རྗེ་ཐང་མཐོང་རྒྱལ་པོའི་གདན་ས་ཨིན།
༣༽ཨ་ལོ་འདི་རིག་པ་གཞན་དང་མ་འདྲཝ་ཅིག་ཡོདཔ་ཨིནམ་ག་དེ་སྦེ་ཤེས་ཅི?
ཀ)ཁོ་གིས་ཨ་རྟག་ར་དཔེ་ཆ་ལྷབ་ནི་འདི་གིས་ཤེས་ཅི།
ཁ)ཁོ་གིས་སློབ་རིམ་༡༥པ་མཇུག་བསྡུ་ནི་འདི་གིས་ཤེས་ཅི།
ག)ཁོ་གིས་ཡི་གུ་ཚུ་ལེགས་ཤོམ་འབད་འབྲི་ལྷག་འབད་ཚུགས་ནི་འདི་གིས་ཤེས་ཅི།
ང)ཁོ་ཨ་རྟག་ར་ཨང་དང་པ་ཏོན་ཏེ་ར་སློབ་རིམ་༡༢པ་མཐར་བཀལ་ནང་འདི་གིས་ཤེས་ཅི།
༤༽སྲུང་འདི་ནང་ལུ་ཡོད་པའི་ཨ་པ་གི་མིང་་་་་་་་་་་
ཀ)ཟླ་ཝ་ཨིན།
ཁ) ནོར་བུ་ཨིན།
ག)བཟང་པོ་ཨིན།
ང)དོན་གྲུབ་ཨིན།
༥༽ཨཔ་འདི་ལོ་ན་རྒས་ཏེ་ལཱ་འབད་ནིའི་བྱ་བ་མ་འོངམ་ཐལཝ་ལས་བུ་གིས་་་་་་་་་
ཀ)ཨཔ་འདི་བདའ་བཏང་ནུག།
ཁ)
ལྟོ་ཟ་མ་བཅུག་པར་བཞག་ནུག།
ག)ལཱ་ཁག་ཡོད་པའི་ལཱ་ཚུ་འབད་བཅུག་ནུག།
ང)ཨཔ་ཁོ་རའི་བློ་འདོད་དང་འཁྲིལ་ཏེ་དགོན་པ་བསྐྱལ་ནུག།
༦༽ ཨམ་འདི་ གཟུགས་མ་བདེཝ་ཆགས་ནུག་ ཟེར་བའི་དོན་དག་འདི་་་་་་་་་་་་་་་་
ཀ)
ཨམ་འདི་གཟུགས་ན་ནུག་ཟེར་ཨིན་མས།
ཁ)ཨམ་འདི་ནད་གཞི་ཐོབ་ནུག་ཟེར་ཨིན་མས།
ག) ཨམ༌འདི༌ཨ༌ལོ༌ཆགས༌ནུག༌ཟེར༌ཨིན༌མས།
ང) ཨམ་འདི་ག་ནི་ཡང་མ་འབད་བས་ཟེར་ཨིན་མས།
༧༽ ཨམ་འདི་ཨ་ལོ་སྐྱེས་མ་ཚུགས་པར་་་་་་་་་་་་་
ཀ) ཁྱི་མེད་ལྷ་ཁང་ནང་འཁྱིད་འགྱོ་ནུག།
ཁ) གཡུས་ཁར་བཀལ་ད་ནུག།
ག)ཚལ་མ་ནང་བཀལ་ད་ནུག།
ང)སྨན་ཁང་ནང་བཀལ་ད་ནུག།
༨༽ སྲུང་ནང་གི་ཨཔ་འདི་་་་་་་་་་་་་་་་་་་
ཀ) སྨན་པ་ཨིན་མས།
ཁ) སློབ་དཔོན་ཨིན་མས།
ག) འཇིག་རྟེན་པ་ཨིན་མས།
ང) གཞུང་གཡོགཔ་ཨིན་མས།
༩༽ སྲུང་འདི་འབྱུང་ས་་་་་་་་་་་་་་་་་་་་
ཀ) ཁྲོམ་ཁར་ཨིན་མས།
ཁ) གཡུས་ཚན་སྦོམ་ཅིག་ནང་ཨིན་མས།
ག) གཡུས་ཚན་ཆུང་ཀུ་ཅིག་ནང་ཨིན་མས།
ང) མཐའ་ཟུར་གྱི་གཡུས་ཚན་ཅིག་ནང་ཨིན་མས།
༡༠༽ མཇུག་ལུ་ཨཔ་འདི་ ཁོ་རའི་བུ་ལུ་བལྟ་སྟེ་་་་་་་་་་་་་་་
ཀ) སེམས་དགའ་ནུག།
ཁ) ངལ་རངས་ནུག།
ག) སེམས་ཕམ་ནུག།
ང) སེམས་སྐྱོ་ནུག།
ཁ༽ལན་ཐུང་ཀུའི་དྲི་བ།སྐུགས་༥x༢=༡༠།
༡༽ཨའི་གིས་བུ་གསར་རིསམོ་གཅིག་སྐྱེ་རུང་ཨ་པ་འདི་ག་ཅི་འབད་སེམས་སྐྱོ་བའི་ངང་ལུ་སྡོདཔ་ཨིན་ན?
༢༽སྲུང་འདི་གི་བཅུད་དོན་ག་ཅི་ཨིན་མས?
༣༽སྲུང་ནང་གི་བུ་འདི་ཁྱོད་ཨིན་པ་ཅིན་ཁྱོད་ཀྱིས་ཨ་པ་ལུ་ག་དེ་སྦེ་འབད་འོང་?
༤༽སྲུང་འདི་ནང་ལུ་ཡོད་པའི་གཡུས་ཀྱི་མིང་ག་ཅི་ཟེར་སླབ་སྨོ?
༥༽སྲུང་འདི་ནང་ལུ་སྲུང་རྩེདཔ་ག་དང་ག་ར་འདུག་དགོ?
དྲི་བ་ཚན་གཉིས་པ།སྐུགས་༢༠།
བཀོད༌རྒྱ༌འོག་གི་དྲི་བ་ཚུ་གི་ལན་བཀོད་རྒྱ་དང་འཁྲིལ་ཏེ་རིང་སུ་འབད་བྲིས།
༡༽ ཁྱོད་ཀྱིས་ཁྱོད་རའི་ཕམ་ལུ་
དྲིན་ལན་ག་དེ་སྦེ་འཇལ་ནི་སྨོ? བསམ་འཆར་བྲིས།(༡༠)
༢༽ ཕ་རྒས་པ་མནོ་བུ་གསོ།ཟེར༌བའི༌དོན༌དག༌ག༌ཅི༌སྨོ?བཤད༌པ༌རྐྱབ༌སྟེ༌བྲིས། (༡༠)
དྲི་བ་ལྔ་པ།འབྲི༌རྩོམ།སྐུགས་༢༠།
བཀོད་རྒྱཿའོག་གི་འབྲི༌རྩོམ༌འདི་ལྷག༌ཞིནམ༌ལས༌དྲི་བ་ཚན་དང་པ་དང་གཉིས་པ་འབད་ཡོད་ས་ལས་ཚན་གཅིག་གདམ་ཁ་
རྐྱབ་སྟེ་ལན༌འབྲི་དགོཔ་ཨིན།
༉མཐུ་ཆེན་ཆོས་ཀྱི་རྒྱལ་པོ་ཞབས་དྲུང་ངག་དབང་རྣམ་རྒྱལ་འམ་འབྲུག་པ་རིན་པོ་ཆེ་མཆོག་འཕགས་པ་སྤྱན་རས་གཟིགས་ཀྱི་
སྤྲུལ་པ་ཨིན་པའི་ཁར་ཨོ་རྒྱན་གུ་རུ་རིན་པོ་ཆེ་གིས་ཡང་ལུང་བསྟན་གནང་དོ་བཟུམ་སྤྱི་ལོ་༡༦༡༦ལུ་ང་བཅས་རའི་འབྲུག་རྒྱལ་ཁབ༌འདི་ནང་བྱོན་ཏེ་རྫོང་གཞིས་མང་རབས་བཞེངས་གནང་པའི་གྱལ་ལས་དང་པ་སེམས་རྟོགས་ཁ་རྫོང་འདི་སྤྱི་ལོ་༡༦༢༩ལུ་བཞེངས་ཏེ་མིང་ཡང་གསང་སྔགས་ཟབ་དོན་ཕོ་བྲང་ཟེར་མཚན་གསོལ་གནང་ནུག།དེ་ལས་སྤུ་ན་ཁ་རྫོང་འདི་ཡང་སྤྱི་ལོ་༡༦༣༧ལུ་བཞེངས་ཞིནམ་ལས་མིང་སྤུངས་ཐང་བདེ་བ་ཆེན་པོའི་ཕོ་བྲང་ཟེར་བཏགས་པའི་ཁར་རིམ་པ༌བཞིན་དུ་དབང་འདུས་ཕོ་བྲང་རྫོང་ཐིམ་ཕུ་རྡོ་སྔོན་རྫོང་སྤ་རོ་རིན་སྤུངས་རྫོང་ཚུ་བཞེངས་ཞིནམ་ལས་བཀའ་བརྒྱུད་ཀྱི་ཆོས་འདི་དར་ཁྱབ་སོང་ནུག།
དེ་ལས་ཚུར་ང་བཅས་རྒྱལ་ཁབ་ནང་ལུ་ཧེ་མ་ཁྲིམས་མེད་མི་ལུ་ཁྲིམས་བཙུགས་ཆོས་མེད་ས་ལུ་ཆོས་སྤེལ་ཏེ་རྒྱལ་ཁབ་ནང་ཕྱག་ལཱ་ལེ་ཤ་མཛད་དེ་རྒྱལ་ཁབ་འདི་རང་དབང་རང་བཙན་འབད་བཞག་པའི་ཁར་རྒྱལ་སྲིད་དང་ཆོས་སྲིད་གཉིས་ཀྱི་བསྟན་པ་འགོ་བཙུགས་ཏེ་རྒྱལ་ཁབ་ནང་ལུ་དགའ་བ་དང་སྐྱིད་པ་ཚུ་ཆད་ནི་མེད་པར་བྱུང་ནུག།
དེ་ལས་བརྟེན་ད་རེས་ནངས་པར་ང་བཅས་འབྲུག་པའི་མི་སེར་ཚུ་འབྲུག་རྒྱལ་ཁབ་ནང་ལུ་སྡོད་ཆོག་ཆོ་དང་བཟའ་ཆོག་ཆོ་ཡོད་མི་འདི་ཞབས་དྲུང་རིན་པོ་ཆེ་གི་བཀའ་དྲིན་ཨིནམ་ལས་ང་བཅས་ཚུ་གིས་ནམ༌ར་འབདརུང༌ཞབས་དྲུང་རིན་པོ་ཆེ་འདི་སེམས་ཁ༌ལས་རྩ་ལས་བརྗེད་ནི་མི་འོང་ཟེར་ཞུ་ནི་ཨིན་ནོ།།
དྲི་བ་ཚན་དང་པ།སྐུགས་༢༠།
ཀ༽འོག་གི་དྲི་བ་རེ་ལུ་ལན་ཀ་ཁ་ག་ང་འབད་༤རེ་བཀོད་དེ་ཡོད་ས་ལས་ལན་ངོ་མ་༡ཡོད་མི་འདི་གདམ་ཁ་རྐྱབ་སྟེ་ལན་
ཤོག་ནང་ལུ་བྲིས།(༡x༡༠=༡༠)
༡༽འབྲུག་པ་རིན་པོ་ཆེ་ཟེ་མི་འདི་་་་་་་་་་་
ཀ)སྤྱན་རས་གཟིགས་ལུ་ཞུཝ་ཨིན།
ཁ)ཨྱོན་གུ་རུ་རིན་པོ་ཆེ་ལུ་ཞུཝ་ཨིན།
ག)ཁོང་གསུམ་ཆ་རང་ལུ་ཞུཝ་ཨིན།
ང)
ཞབས་དྲུང་ངག་དབང་རྣམ་རྒྱལ་ལུ་ཞུཝ་ཨིན།
༢༽ཞབས་དྲུང་འབྲུག་ལུ་འབྱོན་དགོ་པའི་ལུང་བསྟན་གནང་མི་་་་་་་་
ཀ)སྤྱན་རས་གཟིགས་ཨིན།
ཁ)ཞབས་དྲུང་ཁོ་རང་ཨིན།
ག)ཨྱོན་གུ་རུ་རིན་པོ་ཆེ་ཨིན།
ང)མཐུ་ཆེན་ཆོས་ཀྱི་རྒྱལ་པོ་ཨིན།
༣༽འབྲུག་རྒྱལ་ཁབ་ནང་བཀའ་བརྒྱུད་ཀྱི་ཆོས་ལུགས་དར་ཁྱབ་མཛད་གནང་མི་འདི་་་་་་་་་་་་་་་་
ཀ)ཨྱོན་གུ་རུ་རིན་པོ་ཆེ་ཨིན།
ཁ)འབྲུག་པ་རིན་པོ་ཆེ་ཨིན།
ག)སྤྱན་རས་གཟིགས་ཨིན།
ང)རྗེ་མཁན་པོ་ཨིན།
༤༽གསང་སྔགས་ཟབ་དོན་ཕོ་བྲང་ཟེར་མི་འདི་་་་་་་་་་་་་་་
ཀ)སེམས་རྟོགས་ཁ་རྫོང་ལུ་སླབ་ཨིན།
ཁ)ཐིམ་ཕུ་རྡོ་སྔོན་རྫོང་ལུ་སླབ་ཨིན།
ག)སྤ་རོ་རིན་སྤུངས་རྫོང་ལུ་སླབ་ཨིན།
ང)
སྤུངས་ཐང་བདེ་བ་ཆེན་པོའི་ཕོ་བྲང་ལུ་སླབ་ཨིན།
༥༽ད་ལྟོ་ང་བཅས་རའི་རྒྱལ་ཁབ་འདི་རང་དབང་རང་བཙན་འབད་ཡོད་མི་འདི་་་་་་་་་་་་་་་་་་་་་་
ཀ)བློན་པོ་ཚུ་གི་བཀའ་དྲིན་ཨིན།
ཁ) ཨྱོན་གུ་རུ་རིན་པོ་ཆེའི་བཀའ་དྲིན་ཨིན།
ག) མངའ་བདག་རྒྱལ་པོའི་བཀའ་དྲིན་ཨིན།
ང) མཐུ་ཆེན་ཆོས་ཀྱི་རྒྱལ་པོའི་བཀའ་དྲིན་ཨིན།
༦༽ ཞབས་དྲུང་མཆོག་གིས་
འབྲུག་རྒྱལ་ཁབ་ནང་ རྫོང་གཞི་མང་རབ་ཅིག་ བཞེངས་གནངམ་ལས་་་་་་་་་་་་་
ཀ)
མི་རློབས་ཡར་རྒྱས་འགྱོ་ནུག
ཁ)འབྲུག་མི་ཚུ་སེམས་དགའ་ནུག
ག)
ཞབས་དྲུང་ཁོ་ར་ཐུགས་དགྱེས་ནུག
ང) བཀའ་བརྒྱུད་ཀྱི་ཆོས་འདི་དར་ཁྱབ་སོང་ནུག
༧༽ སྤྱི་ལོ་༡༦༡༦གི་ལོ་ལུ་
འབྲུག་ལུ་འབྱོན་མི་འདི་་་་་་་་་་་་་་་་་་་
ཀ)
ཆོས་ཀྱི་རྒྱལ་པོ་ཨིན།
ཁ)
གུ་རུ་རིན་པོ་ཆེ་ཨིན།
ག)
མངའ་བདག་རྒྱལ་པོ་ཨིན།
ང)
འཕགས་པ་སྤྱན་རས་གཟིགས་ཨིན།
༨༽ དར་ཁྱབ་
ཟེར་བའི་མིང་ཚིག་གི་མིང་གི་རྣམ་གྲངས་འདི་་་་་་་་་་་་་་་་་་་
ཀ)གོང་འཕེལ་ཟེར་སླབ་ཨིན།
ཁ)
མར་ཉམས་ཟེར་སླབ་ཨིན།
ག)ཡར་རྒྱས་ཟེར་སླབ་ཨིན།
ང)
མར་རྒྱས་ཟེར་སླབ་ཨིན།
༩༽
འབྲུག་རྒྱལ་ཁབ་ནང་ལུ་ ཞབས་དྲུང་རིན་པོ་ཆེ་གིས་ རྫོང་གཞི་དང་པ་་་་་་་་་་་་་་་་་་
ཀ)
སྤ་རོ་རིན་སྤུངས་རྫོང་བཞེངས་ནུག།
ཁ)སེམས་རྟོགས་ཁ་རྫོང་འདི་བཞེངས་ནུག།
ག)ཐིམ་ཕུ་རྡོ་སྔོན་རྫོང་འདི་བཞེངས་ནུག།
ང)སྤུངས་ཐང་བདེ་བ་ཆེན་པོའི་ཕོ་བྲང་འདི་བཞེངས་ནུག།
༡༠༽ མང་རབས་
ཟེར་བའི་མིང་ཚིག་གི་མིང་གི་རྣམ་གྲངས་འདི་་་་་་་་་་་་་་་་་་་་
ཀ)
མང་ཉུང་ཟེར་སླབ་ཨིན།
ཁ)
ཉུང་ཤོས་ཟེར་སླབ་ཨིན།
ག)
ལེ་ཤ་ཟེར་སླབ་ཨིན།
ང)
སྦོམ་ཟེར་སླབ་ཨིན།
དྲི་བ་ལྔ་པ་ཁ། ལན་ཐུང་ཀུའི་དྲི་བ།སྐུགས་༥x༢=༡༠།
༡༽སྤུ༌ན༌ཁ༌རྫོང༌ལུ༌ཧེ༌མ༌མིང༌ག༌དེ༌འབད༌བཏགས༌ནུག?
༢༽ང༌བཅས༌ཚུ༌གིས༌ག༌འདི༌སེམས༌ལས༌བརྗེད༌ནི༌མི༌འོང༌དགོ?
༣༽འབྲུག༌མི༌ཚུ༌བཟའ༌ཆོག༌ཆོ༌དང༌སྡོད༌ཆོག༌ཆོ༌ཡོད༌མི༌འདི༌ག༌གི༌བཀའ༌དྲིན༌སྨོ?
༤༽ཞབས༌དྲུང༌ག༌གི༌སྤྲུལ༌པ༌སྨོ?
༥༽འབྲུག༌རྒྱལ༌ཁབ༌ནང༌ཞབས༌དྲུང༌ནམ༌བྱོན༌ནུག?
དྲི་བ་ཚན་གཉིས་པ།སྐུགས་༢༠།
བཀོད་རྒྱཿ
འོག་གི་དྲི་བ་ཚུ་གི་ལན་བཀོད་རྒྱ་དང་འཁྲིལ་ཏེ་ལན༌རིང་སུ་འབད་བྲིས།
༡༽ཞབས༌དྲུང༌གི༌སྐོར༌ལས༌བཅུད༌བསྡུ༌སྟེ༌བྲིས།(༥)
༢༽ཞབས༌དྲུང༌གིས༌ཕྱག༌ལཱ༌ག༌ཅི༌རང༌མཛད༌ནུག?ངོས༌འཛིན༌འབད༌དེ༌བྲིས།(༥)
༣༽ང༌བཅས༌རའི༌འབྲུག༌རྒྱལ༌ཁབ༌འདི༌དགའ༌ཏོག༌ཏོ༌དང༌སྐྱིད༌ཏོང༌ཏོ༌ཡོད༌པའི༌སྐོར༌ལས༌བཤད༌པ༌རྐྱབ༌སྟེ༌བྲིས།(༡༠)
དྲི་བ་དྲུག་པ། སྙན་རྩོམ། སྐུགས་༡༠།
བཀོད་རྒྱཿའོག་གི་སྙན༌རྩོམ་འདི་ལུ་གཞི་བཞག་སྟེ་དྲི་བ་ཚན་དང་པ་དང་གཉིས་པ་འབད་ཡོད་ས་ལས་ཚན་གཅིག་གདམ་ཁ་
རྐྱབ་སྟེ་འབྲི་དགོཔ་ཨིན།
ཆུང་ཚེ་རྐང་ཐང་དྲངས་སྟེ་སློབ་གྲྭ་བཙུགས་མི་ཕ་མ།།
ཕྱི་ནང་གཉིས་ཀྱི་ཡོན་ཏན་གནང་མི་སློབ་དཔོན་བཀའ་དྲིན།།
སློབ་སྦྱོང་སྐབས་ཀྱི་མཐུན་རྐྱེན་ཆ་ཚང་གནང་མི་གཞུང་ཞབས།།
དེ་གསུམ་སློབ་ཕྲུག་རང་གི་བཀའ་དྲིན་ཅན་གྱི་ཕམ་ཨིན།།
དྲི༌བ༌ཚན༌དང༌པ།སྐུགས༌༡༠།
ཀ༽འོག་གི་དྲི་བ་རེ་ལུ་ལན་ཀ་ཁ་ག་ང་འབད་༤རེ་བཀོད་དེ་ཡོད་ས་ལས་ལན་ངོ་མ་༡ཡོད་མི་འདི་གདམ་ཁ་རྐྱབ་སྟེ་ལན་
ཤོག་ནང་ལུ་བྲིས།(༥x༡=༥)
༡༽ཆུང་ཚེ་རྐང་ཐང་དྲངས་མི༌འདི་་་་་་་་་་་་་་
ཀ)
གཞུང་ཞབས་ཨིན།
ཁ)སློབ་དཔོན་ཨིན།
ག)ཆ་རོགས་ཨིན།
ང) ཕ་མ་ཨིན།
༢༽སློབ་ཕྲུག་ཚུ་ལུ་བཀའ་དྲིན་ཆེ་ཤོས་གསུམ་ག་ཅི་སྨོ?
ཀ)དཔོན་བླ་མ་སློབ་དཔོན།
ཁ)
ཕ་མ་སློབ་དཔོན་གཞུང་།
ག)ཕ་མ་སློབ་དཔོན་སློབ་ཕྲུག།
ང)གཞུང་སློབ་ཕྲུག་སློབ་དཔོན།
༣༽ཕྱི་ནང་གཉིས་ཀྱི་ཡོན་ཏན་གནང་མི་་་་་་་་་་
ཀ)ཕ་མ་ཨིན།
ཁ) དཔོན་ཨིན།
ག)
སློབ་དཔོན་ཨིན།
ང)གཞུང་ཞབས་ཨིན།
༤༽གོང་གི་སྙན་རྩོམ་འདི་་་་་་་་་་་་
ཀ)ལྷུག་པ་ནང་ཨིན་མས།
ཁ)སྤེལ་མ་ནང་ཨིན་མས།
ག)
ཚིག་བཅད་ནང་ཨིན་མས།
ང)གསུམ་ཆ་ར་ནང་ཨིན་མས།
༥༽སློབ་སྦྱོང་སྐབས་ཀྱི་མཐུན་རྐྱེན་ཆ་ཚང་གནང་མི་་་་་་་་་་་་་
ཀ) ཕ་མ་ཨིན་མས།
ཁ)སློབ་དཔོན་ཨིན་མས།
ག)གཞུང་ཞབས་ཨིན་མས།
ང)
ཕམ་དང་སློབ་དཔོན་གཉིས་ཨིན།
ཁ༽ལན༌ཐུང༌ཀུའི༌དྲི༌བ།སྐུགས་༥།
༡༽ཁྱོད་ཀྱིས་ཁྱོད་རའི་ཕམ་འདི་ཁག་ཆེཝ་ཨིནམ་ག་དེ་སྦེ་ཤེས་ཅི?(༢)
༢༽ཁྱོད་ཀྱིས་འབད་བ་ཅིན་ཕམ་དང་སློབ་དཔོན་གཉིས་ལས་བཀའ་དྲིན་ཆེ་ཤོས་ག་འོང་ནི་མས?(༣)
དྲི༌བ༌ཚན༌གཉིས༌པ།སྐུགས༌༡༠།
བཀོད་རྒྱཿ
འོག་གི་དྲི་བ་ཚུ་གི་ལན་བཀོད་རྒྱ་དང་འཁྲིལ་ཏེ་ལན༌རིང་སུ་འབད་བྲིས།
༡༽ འོག༌གི༌ཚིགས༌རྐང༌གཉིས༌ཡོད༌མི༌འདི༌འགྲེལ༌བཤད༌རྐྱབ༌སྟེ༌བྲིས།(༥)
ཆུང་ཚེ་རྐང་ཐང་དྲངས་སྟེ་སློབ་གྲྭ་བཙུགས་མི་ཕ་མ།།
ཕྱི་ནང་གཉིས་ཀྱི་ཡོན་ཏན་གནང་མི་སློབ་དཔོན་བཀའ་དྲིན།།
༢༽
ཁྱོད་ཀྱིས་གསར་རྩོམ་ཐོག་ལས་ རྩང་མོ་ཤོ་ལོ་ཀ་གཅིག་བྲིས།(༥)
བཀྲ་ཤིས་བདེ་ལེགས།།
Comments
Post a Comment