རྫོང་ཁག་ཤེས་རིག་སྡེ་ཚན།
རིག་རྩལ་ལྕོགས་གྲུབ་དབྱེ་ཞིབ་ཀྱི་ལོ་འཁོར་ཆོས་རྒྱུགས།
གསར་སྤང་༢༠༡༧།
ཆོས་ཚན་རྫོང་ཁ།
དྲི་ཤོག་གཉིས་པ།དུས་ཡུན་ཆུ་ཚོད་༢།
སློབ་རིམ་༨པ།སྐུགས་བསྡོམས་༡༠༠།
འོག་ལུ་བཀོད་དེ་ཡོད་མི་བཀོད་རྒྱ་ཚུ་ལེགས་ཤོམ་འབད་ལྷག།
༡༽ལན་ཤོག་ནང་ལན་འབྲི་ནི་འགོ་མ་བཙུགས་པའི་ཧེ་མ་སྐར་་མ་༡༥གི་རིང་ལུ་དྲི་ཤོག་འདི་ལེགས་ཤོམ་འབད་ལྷག་སྟེ་བལྟ།
༢༽དྲི་ཤོག་འདི་ནང་ལུ་དྲི་བའི་སྡེ་ཚན་༼ཀ༽-སྲུང་།༼ཁ༽-འབྲི་རྩོམ།དང་༼ག༽-སྙན་རྩོམ་།འབད་སྡེ་ཚན་ཁག་༣ཡོད།
༣༽སྡེ་ཚན་རེ་ལུ་དྲི་བ་ཚན་༡པ་དང་༢པ་འབད་ཡོད།ཚན་༡པའི་ནང་ལུ་དྲི་བ་༼ཀ༽༼ཁ༽འབད་ཡོད།ཚན་གཉིས་པའི་ནང་
ལན་རིངམོ་འབད་འབྲི་དགོ་པའི་དྲི་བ་ཁག་གཅིག་ཡོདཔ་ཨིན།
༤༽ཁྱོད་ཀྱིས་དྲི་བ་ཚན་བསྡོམས་གསུམ་གྱི་ལན་འབྲི་དགོ།དེ་འབདཝ་ད་སྡེ་ཚན་གསུམ་ལས་ག་འབད་རུང་གཅིག་ནང་ལས་དྲི་བ་ཚན་
༢པ་འབད་མི་གཅིག་ཨིན་ཅི་མིན་ཅི་གདམ་ཁ་རྐྱབ་སྟེ་འབྲི་དགོཔ་ཨིན།
༥༽སྡེ་ཚན་རེ་རེ་ནང་ཡོད་པའི་དྲི་བ་ཚན་གཉིས་ཆ་ར་གདམ་ཁ་རྐྱབ་མི་ཆོག།
༦༽སྡེ་ཚན་དང་འཁྲིལ་བའི་དྲི་བ་རེ་རེ་བཞིན་གྱི་དྲི་བའི་བཀོད་རྒྱ་ཁ་གསལ་འབད་བཀོད་ཡོད་མི་ཚུ་ལེགས་ཤོམ་འབད་ལྷག་སྟེ་ལན་བྲིས།
དྲི་བའི་ཨང་ཚུ་མ་འཛོལ་བར་ཀྲིག་ཀྲི་འབད་བྲིས།
༧༽ཆོས་རྒྱུགས་འགོ་བཙུགས་ཞིནམ་ལས་བློ་སླབ་ནི་དང་དྲི་བ་དྲི་ནི་ཕར་ཚུར་འགྱོ་ནི་ཚུ་འབད་མི་ཆོག།
སྲུང་། (སྐུགས་༣༥)
༉ཧེ་མ་གཡུས་གཅིག་ནང་རྒྱལཔོ་གནམ་མེད་ས་མེད་སྐུ་དབང་ཆེ་དྲགས་ཅིག་ལུ་བློན་པོ་ཡང་ག་ནི་བ་རིག་པ་
ཅན་ཅིག་ཡོདཔ་མས།ཁོང་རྒྱལ་བློན་གཉིས་གཅིག་གིས་གཅིག་ལུ་ཐུགས་ཀྱི་བརྩེ་བ་དང་གུས་བཀུར་ག་ཅི་དེ་ཡོདཔ་ལས་རྒྱལ་སྲིད་
ཀྱི་ཕྱག་ལཱ་རྒྱ་ཆེ་ཆུང་ག་ཅི་ར་མཛད་དགོ་རུང་གསུང་གྲོས་ཀྱི་ཐོག་ལས་མཛདཔ་ལས་རྒྱལ་ཁབ་དར་ཤིང་རྒྱས་ཏེ་འབངས་མི་ཚུ་
དགའ་སྐྱིད་ཀྱི་དཔལ་ལུ་ལོངས་སྤྱོདདེ་སྡོད་ནི་གོ་སྐབས་བྱུང་ནུག།
བཀོད༌རྒྱ།འོག་གི་དྲི་བ་ཚན་དང་པ་དང་ཚན་གཉིས་པ་སྦེ་ཡོད་ས་ལས་ག་འབད་རུང་ཚན་གཅིག་གདམ་ཁ་རྐྱབ་སྟེབྲིས།
ཚན་དང་པ།ལན་ཐུང་གི་དྲི་བ།༼སྐུགས་༡༥x1=15༽
༡སྐུ་དབང་ཆེ་དྲགས་ཟེར་མི་འདི་་་་་་་་།
ཀསྐུ་ཚེ་རིང་པོ་ལུ་གོ་ནི་ཨིན།ཁསྐུ་ལུ་བར་ཆད་མེད་མི་ལུ་གོ་ནི་ཨིན།
གསྐུ་གཟི་བརྗིད་ཆེ་ཏོག་ཏོ་ཡོད་མི་ལུ་གོ་ནི་ཨིན།ངགོང་མ་དང་འོག་མ་ལུ་སླབ་ཨིན།
༢གུས་བཀུར་ཟེར་མི་འདི་་་་་་་་།
ཀགོང་མ་དང་འོག་མ་ལུ་སླབ་ཨིན།ཁའོག་མ་གིས་གོང་མ་ལུ་གུས་ཞབས་འབད་མི་ལུ་སླབ་ཨིན
གགོང་མ་དང་འོག་མ་ལུ་སླབ་ཨིན།ངགོང་མ་དང་འོག་མ་ལཱ་འབད་མི་ལུ་སླབ་ཨིན།
༣རྒྱལ་སྲིད་ཟེར་མི་འདི་་་་་་་་་་་།
ཀརྒྱལཔོ་དང་སྲས་ལུ་གོ་ནི་ཨིན།ཁརྒྱལ་ཁབ་དང་སྲིད་བྱུས་ལུ་སླབ་ཨིན།
གརྒྱལ་ཁབ་དང་མི་སེར་ལུ་གོ་ནི་ཨིན།ངརྒྱལཔོ་དང་བློན་པོ་ལུ་གོ་ནི།
༤གསུང་གྲོས་ཟེར་མི་འདི་་་་་་་་།
ཀམི་སྤུངས་སྡོད་མི་ལུ་གོ་ནི།ཁམི་ཚེ་ཉིམ་བསྲོ་སྡོད་མི་ལུ་གོ་ནི།
གམི་ལེ་ཤ་འཛོམས་ཐོག་ལུ་བསྟུན་གྲོས་འབད་མི་ལུ་གོ་ནི།ངཉི་མའི་འོད་ལུ་གོ་ནི།
༥འབངས་འཁོར་གཡོག་ཟེར་མི་འདི་་་་་་་་་།
ཀསོ་ནམ་པ་ལུ་གོ་ནི་ཨིན།ཁགཞུང་གཡོགཔ་ལུ་གོ་ནི་ཨིན།
གསྒེར་སྡེ་ལུ་གོ་ནི་ཨིན།ངའབངས་མི་སེར་ལུ་གོ་ནི་ཨིན།
༦རྒྱལ་བློན་ཟེར་མི་འདི་་་་་་་་།
ཀརྒྱལཔོ་དང་བཙུནམོ་ལུ་སླབ་ཨིན།ཁརྒྱལཔོ་དང་བློན་པོ་ལུ་སླབ་ཨིན།
གརྒྱལཔོ་དང་གཞུང་ལུ་སླབ་ཨིན།ངརྒྱལཔོ་དང་ལོངས་སྤྱོད་ལུ་སླབ་ཨིན།
༧ཆིབས་རྟ་ཟེར་མི་འདི་་་་་
ཀཁུར་ཆ་སྐྱེལ་མི་རྟ་ལུ་སླབ་ཨིན།ཁཁུར་ཆ་འབག་མི་ལུ་སླབ་ཨིན།
གཁུར་ཆ་བཏོན་མི་ལུ་སླབ་ཨིན།ངཕལ་སྐད་ནང་བཞོན་རྟ་ཟེར་སླབ་ཨིན།
༨ཡིད་ངེས་ཐིང་ངེས་ཟེར་བ་ཅིན་་་་་་་་་།
ཀསེམས་ཡེངས་ཏེ་སྡོད་མི་ལུ་སླབ་ཨིན།ཁསེམས་ལེགས་ཤོམ་ལུ་སླབ་ཨིན།
གལེགས་ཤོམ་དང་ཡ་རབས་བཟུམ་ཅིག་ལུ་སླབ་ཨིན།ངསེམས་དགའ་མི་ལུ་སླབ་ཨིན།
༩ཕོ་ཆེན་ཟེར་མི་འདི་་་་་་་་་་་་་།
ཀརྟ་ཕོ་ལོ་ན་རྒས་མི་ལུ་སླབ་ཨིན།ཁརྟ་ཕོ་ལོ་ན་ཆུང་ཀུ་ལུ་སླབ་ཨིན།
གརྟ་སྤུ་ཡོད་མི་ལུ་སླབ་ཨིན།གལྟག་གི་ག་ཡང་མེན།
༡༠རྒོདམོ་ཟེར་མི་འདི་་་་་་་་་་་།
ཀརྟ་མོ་སྤྱིར་བཏང་ལུ་སླབ་ཨིན།ཁརྟ་ཕོ་ལོ་ན་༣-4
བར་ན་ལུ་སླབ་ཨིན།
གརྟ་དྲེལ་ལུ་སླབ་ཨིན།ངལྟག་གི་ག་ཡང་མེན།
༡༡གསེབ་ཟེར་མི་འདི་་་་་་་་་་་་།
ཀརྟ་ཕོ་ལོ་ན་རྒས་མི་ལུ་སླབ་ཨིན།ཁརྟ་ཕོ་ལོ་ན་༣-4
གི་བར་ན་ལུ་སླབ་ཨིན།
གརྟ་དྲེལ་ལུ་སླབ་ཨིན།ངརྟ་ཕོ་ཆེན་ཟེར་ཡང་སླབ་ཨིན།
༡༢གཟའ་སྐར་ཟེར་མི་འདི་་་་་་་་་།
ཀགཟའ་དང་ཉིམ་ལུ་སླབ་ཨིན།ཁགཟའ་དང་སྐར་མ་ལུ་སླབ་ཨིན།
གགཟའ་དང་ཟླཝ་ལུ་སླབ་ཨིན།ངགཟའ་དང་རྒྱུ་ལམ་ལུ་སླབ་ཨིན།
༡༣གཟའ་བདུན་ཟེར་མི་འདི་་་་་་་་་་་།
ཀརེ་གཟའ་མིག་དམར་ལས་ཟླ་བ་ཚུན་ཨིན།ཁརེ་གཟའ་ཉི་མ་དང་ཟླ་བ་ཨིན།
གརེ་གཟའ་མིག་དམར་ལས་སྤེན་པ་ཚུན་ཨིན།ངརེ་གཟའ་སྤེན་པ་ལས་ཟླ་བ་ཚུན་ཨིན།
༡༤སྲུང་གི་བཅུད་དོན་ངོ་མ་འདི་་་་་་་།
ཀརྒྱལཔོ་རིག་པ་ཡོད་པའི་སྐོར་ལས་ཨིན།གརྒྱལཔོ་དང་བློན་པོ་གཉིས་ཆ་ར་རིག་པ་ཡོད་པའི་སྐོར་ལས་ཨིན།
ཁབློན་པོ་རིག་པ་ཡོད་པའི་སྐོར་ལས་ཨིན།ངརྒྱལཔོ་དང་བློན་པོ་འཆམ་ཏོག་ཏོ་ཡོད་པའི་སྐོར་ལས་ཨིན།
༡༥སྲུང་གི་དོན་ཚན་ངོ་མ་འདི་་་་་་་་་།
ཀབློན་པོ་རིག་པ་ཅན་གྱི་སྐོར་ལས་ཨིན།ཁརིག་པ་ཟེར་མི་སྐོར་ལས་ཨིན།
གརྒྱལཔོ་དང་བློན་པོ་རིག་པའི་སྐོར་ལས་ཨིན།ངརིག་པ་དབྱེ་བ་དཔྱད་ནི་དོན་ལུ་ཨིན།
༡རྒྱལཔོ་ལུ་སྐུ་དབང་ཆེ་དྲགས་ཟེར་སླབ་དགོ་པའི་ཁུངས་ག་ཅི་སྨོ? (4)
2 རྒྱལཔོ་དང་བློན་པོ་གིས་ཕྱག་ལཱ་ག་དེ་སྦེ་མཛད་དོ་ཨིན་པས? (༤)
༣རྒྱལཔོ་གིས་དྲི་བ་ལུ་བློན་པོ་གིས་ལན་ག་དེ་སྦེ་ཞུ་ནུག? (༤)
4 སྐུ་མདུན་དང་སྐུ་དབང་ཆེ་དྲགས་ཟེར་མི་དོན་དག་བྲིས། (༤)
5 མཐའན་མཇུག་ལུ་རྒྱལཔོ་དང་བློན་པོ་ག་དེ་སྦེ་ཞུགས་ནུག? (༤)
དྲི་བ་ཚན་༢པ།ལན་རིངམོ་གི་དྲི་བ།(སྐུགས༣༥)
༡འབངས་མི་སེར་ཚུ་དགའ་སྐྱིད་ཀྱི་དཔལ་ལུ་ལོངས་སྤྱོད་དེ་སྡོད་པའི་ཁུངས་ག་ཅི་སྨོ? (8)
2 རྒྱལཔོ་གིས་བློན་པོའི་རིག་པ་བརྟག་ཤིང་དཔྱད་དགོ་པའི་ཁུངས་ག་ཅི་སྨོ (༩)
3 རྒྱལཔོ་བཀའ་དང་འཁྲིལ་ཏེ་ལན་ག་དེ་སྦེ་ཞུ་ནུག།བཀའ་དང་ལན་ཁ་གསལ་སྦེ་བྲིས། (༨)
4 རྒྱལཔོ་གིས་ལན་མེད་པ་ཅིན་བསད་ནི་ཟེར་གསུངས་མི་དེ་འོས་འབབ་འདུག་གབསམ་འཆར་ཚིག་
འབྲུ་༡༥༠དེ་ཅིག་བྲིས། (10)
སྡེ་ཚན་ཁ༽འབྲི་རྩོམ།༼སྐུགས་༣༥༽
བཀོད་རྒྱ།
འོག་གི་འབྲི་རྩོམ་འདི་ལྷག་ཞིནམ་ལས་དྲི་བའི་བཀོད་རྒྱ་དང་འཁྲིལ་ཏེ་ལན་བྲིས།
༉སངྱས་བཅོམ་ལྡན་འདས་ཀྱིས།ཆང་གིས་འཇིག་རྟེན་སྨྱོས་འགྱུར་ཞིང་།།དོན་ཉམས་ནོར་ཡང་ཟད་པར་འགྱུར།།ཟེར་གསུངས་ཏེ་ཡོདཔ་
བཞིན་དུ་ཆང་འདི་གིས་ཆང་འཐུང་མི་མི་ཚུ་གི་སེམས་གནས་པ་མེདཔ་བཟོཝ་མ་ཚད་དོན་དག་ཡང་འགྲུབ་མ་ཚུགས་པའི་ཁར་རྒྱུ་ནོར་ལོངས་
སྤྱོད་ཚུ་ཡང་རྫོགས་བཅུག་པའི་རྒྱུ་ཅིག་ཨིནམ་སྦེ་གསུངས་ཏེ་འདུག།དེ་འབད་ནི་འདི་གིས་བློ་གཏད་མ་བཏུབ་པའི་ཆ་རོགས་ཆང་ལུ་བརྟེན་
ཏེ་མ་བཏུབ་པའི་ལཱ་ག་ཅི་ར་འཐོན་དོ་ག་ང་བཅས་ཆ་ཁྱབ་འགྲོས་བསྡུར་ཅིག་འབད་གེ།
ཆང་འཐུང་པ་ཅིན་དེའི་ནུས་ཤུགས་ཀྱིས་དྲན་ཤེས་ཉམས་ཏེ་རང་གི་སེམས་རང་དབང་མེད་པར་ག་མནོ་སར་ཤོརཝ་ཨིན།དེ་ལས་ལཱ་དང་བྱ་བ་
འབད་བཏུབ་དང་མ་བཏུབ་ཚུ་དབྱེ་བ་ཕྱེ་མ་ཚུགས་པར་རྩ་རྒས་བཟུམ་ཐལ་ཏེ་དུད་འགྲོ་སེམས་ཅན་དང་དབྱེ་བ་མེད་པར་སྒོ་གསུམ་གྱི་སྤྱོད་པ་རྔམ་སི་སི་འབདཝ་ཨིན།ཆང་གིས་ར་བཟི་བའི་བསྒང་ལས་མི་ལེ་ཤ་གི་གདོང་ཁར་འོས་མེད་ཀྱི་ཞབས་ཁྲ་རྐྱབ་ནི་དང་གཟུགས་འཚོ་མ་ཐུབ་
པར་ཕར་དང་ཚུར་འགྱེལ་འགྱོཝ་ཨིན།ཁ་ལས་གཏམ་འདྲ་མི་འདྲ་མནོ་ཚད་དྲན་ཚད་ག་མནོ་སར་སླབ་སྟེ་རང་གི་ལེགས་པའི་ཆ་ག་ར་མར་
ཉམས་འགྱོཝ་ཨིན།
མི་འདི་ཆང་འཐུང་ཞིནམ་ལས་དྲན་པ་ཉམས་ཏེ་རང་གི་ཕམ་དང་སྤུན་ཆ་དེ་ལས་ཆ་རོགས་ཚུ་ལུ་ཡང་འཐབམོ་འཚོལ་ནི་འཐབ་འརྫིང་འབད་ནི་
ལ་སོགས་པའི་སྤྱོད་ངན་འབདཝ་ལས་མི་་ག་ར་གིས་སྨད་པའི་གནས་ལུ་འགྱུརཝ་ཨིན།ཆང་གིས་ར་བཟི་་མི་མི་འདི་གིས་གཞན་དང་མ་
འགྲིགསཔ་ཐལ་ཏེ་གཅིག་གཅིག་ལུ་རྡུང་རྫོབ་དང་དམར་བསད་འབད་དེ་ད་རེས་ནངས་པར་བཙོན་ཁང་ནང་ལུ་འཛུལ་མི་ལེ་ཤ་ཅིག་འཐོན་དོ་
ཡོདཔ་ང་བཅས་ར་གིས་མཐོང་ས་དང་ཤེས་ས་ཡོད།དེ་ཚུ་ག་ར་རྒྱུ་ངོ་མ་ཆང་ལུ་བརྟེན་ཏེ་ཨིན།
ཆང་འཐུང་མི་མི་འདི་གིས་རྒྱུ་ནོར་ག་ར་བརླག་པ་གིས་མ་ཚད་པར་རང་གི་གཟུགས་ཁར་ནད་གཞི་མ་འདྲཝ་མཁྲིས་ནད་དང་མིག་ནད་ཁྲ་ཤུགས་དང་ཆུ་ནད་མཆིན་པའི་ནད་ལ་སོགས་པ་ནད་གཞི་གསརཔ་ལེ་ཤ་ར་འཐོབ་ཨིན།ནད་གཞི་འདི་ཚུ་སྨན་བཅོས་ག་དེ་ཅིག་འབད་རུང་
བཅོ་མ་ཚུགས་པར་ཤི་ནི་ལུ་ཐུགཔ་ཨིན།དེ་མ་ཚད་ཆང་གིས་གཙང་སྦྲ་འཕྲོད་བསྟེན་ལུ་ཡང་གནོད་པ་ཡོདཔ་ཨིན།ཆང་གི་སྐྱུར་དྲི་གིས་
ཁྱིམ་གངམ་མ་ཚད་སྦྱང་ནག་ཚུ་ཡང་འཁོརཝ་ཨིན།སྦྱང་ནག་འདི་ཚུ་ཧོད་ཆ་དང་བཞེས་སྒོ་ལྷག་མཇུག་ག་ཏེ་ཡོད་སར་ཆགས་ཏེ་ཁམས་ལོག་
སི་སི་བཟོཝ་ལས་བརྟེན་སྨན་གྱིས་བཅོ་མ་ཚུགས་པའི་ནད་གཞི་གདུག་དྲག་འཐོབ་ནིའི་ཉེན་ཁ་ཡོདཔ་ཨིན།
དེ་འབད་ནི་འདི་གིས་ཆང་འདི་ལུ་རྒྱུ་ཟད་སྦུང་ཟད་འགྱོ་ནི་མ་གཏོགས་ཡོན་ཏན་རྩ་བ་ཉིད་ལས་མིན་འདུག།ཆང་འདི་ག་དེ་དྲག་དྲག་སྤངས་ཚུགས་པ་ཅིན་གཙང་སྦྲ་དང་གཟུགས་ཀྱི་འཕྲོད་བསྟེན་བདེ་ཐབས་དང་རང་དང་གཞན་ག་ར་སེམས་སྐྱིད་ལུས་སྐྱིད་འོང་ནི་
ཨིནམ་སེམས་ཁར་བཞག་སྟེ་ཆང་འཐུང་ནི་འདི་སྤངས་དགོ་ནི་ཨིན་མས་གོ།
འབྲི་རྩོམ་འདི་ནང་ལུ་དྲི་བ་དང་པ་དང་གཉིས་པ་འབད་ཡོད།དེ་གཉིས་ལས་ག་འབད་རུང་ཚན་གཅིག་གདམ་ཁ་རྐྱབ་སྟེ་
སྐུགས་༣༥གི་ལན་བྲིས།
དྲི་བ་ཚན་དང་པ།ལན་གདམ་ཁ་ཅན་གྱི་དྲི་བ།༼སྐུགས་༡྾༡༥=༡༥༽
ཀ༽འོག་གི་དྲི་བ་རེ་ལུ་ལན་བཞི་རེ་ཡོད་ས་ལས་ལན་ངོ་མ་གཅིག་ཡོད་མི་འདི་གདམ་ཁ་རྐྱབ་སྟེ་བྲིས།
༡/ ཆང་ཟེེར་མི་འདི་་་་་་་
ཀརང་གི་སེམས་ཁམས་ཀྱི་ནད་གཞི་བསལ་མི་ཅིག་ལུ་སླབ་ཨིན།
ཁགཟུགས་ཁར་ཕན་པའི་སྨན་གྱི་རིགས་ཅིག་ལུ་སླབ་ཨིན།
གར་བཟི་ནིའི་ནུས་པ་ཡོད་པའི་ཆུའི་རྣམ་པ་ཅིག་ལུ་སླབ་ཨིན།ངསྤྱིར་བཏང་ཆུ་གི་རིགས་ག་ར་ལུ་སླབ་ཨིན།
༢/ སྨྱོས་ཟེར་མི་འདི་་་་་་
ཀཁ་སྐོམ་ནི།ཁའུ་སྡུག་ནི།
གར་བཟི་ནི།ངསྡུགབསྔལ་མྱོང་ནི།
༣/ ཆང་འདི་གིས་འཐུང་མི་ཚུ་གི་་་་་་
ཀལྟོཝ་བསྐྱེད་སངས་བཅུག་ནི།ཁཁ་སྐོམ་སངས་བཅུག་ནི།
གའུ་སྡུག་སངས་བཅུག་ནི།ངརྒྱུ་ནོར་རྫོགས་བཅུག་ནི།
༤/ ཆང་འཐུང་པ་ཅིན་དེའི་ནུས་ཤུགས་ཀྱིས་དྲན་ཤེས་ཉམས་ཏེ་་་་་
ཀདཔེ་ཆ་ལྷབ་ནི་ལུ་བརྩོན་ཤུགས་བསྐྱེདཝ་ཨིན།ཁརང་གི་སེམས་འདི་རང་དབང་མེད་པར་ག་མནོ་སར་ཤོརཝ་ཨིན།
གརང་གི་ཚེ་ཡུན་རིངམོ་འབད་སྡོད་ཚུགས།ངལྟག་གི་འདི་གསུམ་ཆ་ར་ཨིན།
༥/ སྨད་པའི་གནས་ལུ་འགྱུརཝ་ཨིན་ཟེརཝ་ད་སྨད་པ་ཟེར་མི་འདི་་་་་་་
ཀརོགས་ཀྱིས་ཁ་བཏང་ནི།ཁརོགས་ཀྱིས་ཤོབ་རྐྱབ་ནི།
གརོགས་ཀྱིས་མིག་ཁར་ཚུད་ནི།ངརོགས་ངལ་རངས་ནི།
༦/ ད་རེས་ནངས་པར་བཙོན་ཁང་ནང་འཛུལ་མི་མང་སུ་འཐོན་མི་འདི་་་་་་
ཀབཟའ་ནི་འཐུང་ནི་མ་ལངས་ནི་འདི་གིས་ཨིན།ཁགཅིག་གིས་གཅིག་རྡུང་རྫོབ་དང་དམར་བསད་འབདཝ་ལས་ཨིན།
གསེམས་ཅན་བསད་ནི་འདི་གིས་ཨིན།ངསློབ་གྲྭའི་སྒྲིག་ལུ་མ་གནས་ནི་འདི་གིས་ཨིན།
༧/ འབྲི་རྩོམ་འདི་དབྱེ་བ་ག་ཅི་ནང་ཚུདཔ་སྨོ?
ཀརྒྱུད་བསྐུལ་འབྲི་རྩོམ།ཁའཆར་སྣང་འབྲི་རྩོམ།
གལོ་རྒྱུས་འབྲི་རྩོམ།ངའགྲེལ་བཤད་འབྲི་རྩོམ།
༨/ ཆང་འཐུང་པའི་གནོད་པ་འདི་་་་
ཀཆོས་་ཀྱི་ཁ་ཐུག་ལས་མི་བཏུབ།ཁའཇིག་རྟེན་གྱི་ཁ་ཐུག་ལས་མི་བཏུབ།
གམཚན་རིག་གྱི་ཁ་ཐུག་ལས་མི་བཏུབ།ངཆོས་དང་འཇིག་རྟེན་གཉིས་ཆ་རའི་ཁ་ཐུག་ལས་མི་བཏུབ།
༩/ སྤྱིར་བཏང་ཆང་འདི་་་་་་་
ཀཁྲོམ་ཁར་དང་གྲོང་གསེབ་རྐྱངམ་ཅིག་བཙོངམ་ཨིན།ཁང་བཅས་རའི་རྒྱལ་ཁབ་ནང་རྐྱངམ་ཅིག་བཙོངམ་ཨིན།
གརྒྱལ་ཁབ་ནང་འཁོད་ལུ་བཙོངམ་ཨིན།ངརྒྱ་གར་རྒྱལ་ཁབ་ནང་འཁོད་ལུ་བཙོངམ་ཨིན།
༡༠/ རྒྱུ་ཟད་སྦུང་ཟད་འགྱོ་ནི་མ་གཏོགས་ཟེརཝ་ད་སྦུང་ཟད་ཟེར་མི་འདི་་་
ཀརྒྱུ་ནོར་ལོངས་སྤྱོད་ཟད་འགྱོ་མི་ལུ་སླབ་ཨིན།ཁརང་གི་རྒྱུད་ལུ་ནད་གཞི་མ་འདྲཝ་འཐོབ་མི་ལུ་སླབ་ཨིན།
གརང་གི་གཟུགས་ཀྱི་སྟོབས་མར་ཉམས་མི་ལུ་སླབ་ཨིན།ངཪང་གི་རྒྱུད་ལུ་རོགས་ཀྱིས་སྨད་པ་རྐྱབ་མི་ལུ་སླབ་ཨིན།
༡༡/ འབྲི་རྩོམ་འདི་ཚུ་་་་་
ཀསྙན་རྩོམ་གྱི་གྲངས་སུ་ཚུདཔ་ཨིན།ཁགཏམ་རྒྱུད་ཀྱི་གྲངས་སུ་ཚུདཔ་ཨིན།
གརྩོམ་རིག་གི་གྲངས་སུ་ཚུདཔ་ཨིན།ངའགྲེལ་བཤད་ཀྱི་གྲངས་སུ་ཚུདཔ་ཨིན།
༡༢/ དུད་འགྲོ་སེམས་ཅན་ཟེར་མི་འདི་་་་་
ཀ- མི་ལུ་སླབ་ཨིན།ཁ - རི་དགས་སེམས་ཅན་ལུ་སླབ་ཨིན།
ག- སྒོ་ནོར་སེམས་ཅན་ལུ་སླབ་ཨིན།ང་ - གོང་གི་ཁ་དང་ག་གཉིསཔོ་འདི་ཨིན།།
13/ ཆང་འདི་སྤང་ཚུགས་པ་ཅིན་་་་་
ཀགཙང་སྦྲ་འཕྲོད་བསྟེན་བརྟེན་ཚུགས།ཁགཟུགས་ཀྱི་འཕྲོད་བསྟེན་བདེ་ཏོག་ཏོ་བཞག་ཚུགས།
གརང་གཞན་ག་ར་གི་ལུས་དང་སེམས་སྐྱིད་ཚུགས།ངལྟག་གི་གསུམ་ཆ་ར་ཨིན།
༡༤/ སྒོ་༣་ཟེར་མི་འདི་་་་་
ཀལུས།ངག།ཡིད་གསུམ་ཨིན།ཁཆང་།སྨྱོ་རྫས།གཏམ་ཁུ་གསུམ་ཨིན།
གཉན་ནི་།སླབནི།འབྲི་ནི་༣ལུ་སླབ་ཨིན།ངསངས་རྒྱས།ཆོས།དགེ་འདུན་ལུ་སླབ་ཨིན།
༡༥/ སྤྱིར་བཏང་ཆང་འཐུང་ནི་འདི་་་
ཀབར་སྐབས་ཅིག་ལས་འགོ་བཙུགས་ནུག།ཁདུས་དང་ཕུ་ལས་འགོ་བཙུགས་ནུག།
གད་རེས་ནངས་པ་འགོ་བཙུགས་ནུག།ངལྟག་གི་གསུམ་ཆ་ར་ཨིན།
ཁ༽ལན་ཐུང་གི་དྲི་བ།༼སྐུགས་༥྾༤=༢༠༽
འོག་གི་དྲི་བ་ཚུ་གི་ལན་ཐུང་སུ་འབད་བྲིས།
༡/ ཆང་གིས་འཇིག་རྟེན་སྨྱོས་འགྱུར་ཞིང་།།དོན་ཉམས་ནོར་ཡང་ཟད་པར་འགྱུར།།ཟེར་བའི་ཚིག་རྐང་གཉིསཔོ་འདི་གིས་དོན་དག་
རྫོང་ཁའི་ནང་བཤད་པ་རྐྱབ་སྟེ་བྲིས། (༥)
༢/ གོང་གི་འབྲི་རྩོམ་ལས་བརྟེན་ཏེ་ཁྱོད་ཀྱིས་ཡོན་ཏན་ག་ཅི་རང་ཐོབ་ཅི? ཡོན་ཏན་ལེགས་ཤོམ་ལྔ་བྲིས། (༥)
༣/ འབྲི་རྩོམ་འདི་ག་ཅི་གི་གྲངས་སུ་ཚུདཔ་སྨོ།གོ་དོན་བྲིས།(༥)
༤/ འོག་གི་མིང་ཚིག་ཚུ་གི་རྫོད་ཚིག་བཟོ། ༼1x5=5༽
༡/ རྩ་རྒས།༢/ སྨད་པ།༣/ གཙང་སྦྲ་འཕྲོད་བསྟེན།༤/ ལྷག་མཇུག།༥/ སྐྱུར་དྲི།
དྲི་བ་ཚན་གཉིས་པ།ལན་རིངམོ་གི་དྲི་བ།སྐུགས་༣༥།
འོག་གི་དྲི་བ་ཚུ་གི་ལན་རིང་སུ་འབད་བྲིས།
༡/ འབྲི་རྩོམ་འདི་གིས་བརྗོད་དོན་ངོ་མ་ག་ཅི་སྟོནམ་སྨོ།དོན་མཚམས་༢ནང་བྲིས།(༡༠)
༢/ འབྲི་རྩོམ་འདི་གིས་ཁྱོད་ཀྱི་སེམས་ཁར་ག་ཅི་འབད་ནི་ལུ་རྒྱུད་བསྐུལ་འབདཝ་མས།ཁྱོད་རའི་བསམ་འཆར་བྲིས།(༡༠)
༣/ ཆང་འདི་འཐུང་པ་ཅིན་གསོ་བ་དང་ཆོས་ཀྱི་ཁ་ཐུག་ལས་གནོད་པ་ག་ཅི་བཟུམ་རང་འོང་ནི་མས་གོ? ཁ་གསལ་བྲིས།(༡༠)
༤/ ང་བཅས་རའི་འབྲུག་རྒྱལ་ཁབ་ནང་ཆང་འདི་བཀག་དམ་འབད་ནི་ལུ་ཐབས་ཤེས་ག་ཅི་བཟུམ་ར་ལག་ལེན་འཐབ་དགོཔ་
འདུག? ཐབས་ཤེས་མ་འདྲཝ་ལྔ་ཐོ་བཀོད་འབད། (༥)
སྙན་རྩོམ།
ཕོ་རབ་གཅིག་གི་བློ་རྩལ་ལས།
ཕོ་འབྲིང་གསུམ་གྱི་གྲོས་བསྡུར་དགའ།
ཕ་བཟང་བུ་ལུ་བསླབ་བྱ་དགོ།
བུ་བཟང་ཕ་མར་བརྩེ་གདུང་དགོ།
མི་བཟང་ཁ་ཉུང་ཁོག་ཡངས་དགོ།
མི་བཟང་བསམ་བཟང་སྤྱོད་བཟང་དགོ།
དཔོན་བཟང་འབངས་ལུ་བྱམས་སྐྱོང་དགོ།
འབངས་བཟང་དཔོན་ལུ་བརྩི་བཀུར་དགོ།
བཟང་པོའི་ཁོག་པར་གསེར་དང་།
ངན་པའི་ཁོག་པར་དུག།
དྲི་བ་ཚན་དང་པ།ལན་གདམ་ཁ་ཅན་གྱི་དྲི་བ།༼སྐུགས་༡྾༡༠=༡༠༽
འོག་གི་དྲི་བ་རེ་ལུ་ལན་བཞི་རེ་ཡོད་ས་ལས་ལན་ངོ་མ་གཅིག་ཡོད་མི་འདི་གདམ་ཁ་རྐྱབ་སྟེ་བྲིས།
༡/ སྙན་རྩོམ་གྱི་གྲངས་སུ་ཚུད་མི་་་་་་་
ཀཞབས་ཁྲ་རྐྱངམ་ཅིག་ཨིན།ཁདཔྱེ་གཏམ་རྐྱངམ་ཅིག་ཨིན།
གབློ་ཟེ་རྐྱངམ་ཅིག་ཨིན།ངཞབས་ཁྲ།བློ་ཟེ།དཔྱེ་གཏམ་ཚུ་ཨིན།
གབློ་ཟེ་རྐྱངམ་ཅིག་ཨིན།ངཞབས་ཁྲ།བློ་ཟེ།དཔྱེ་གཏམ་ཚུ་ཨིན།
2/ གོང་གི་སྙན་རྩོམ་འདི་་་་་།
ཀཞབས་ཁྲ་ཨིན།ཁབློ་ཟེ་ཨིན།
གརྩང་མོ་ཨིན།ངདཔྱེ་གཏམ་ཨིན།
༣/ དཔྱེ་གཏམ་འདི་ཚུ་མང་ཤོས་ཅིག་་་་་།
ཀདཔེའི་སྒོ་ལས་འོངམ་ཨིན།ཁདོན་གྱི་སྒོ་ལས་འོངམ་ཨིན།
གདཔེ་དང་དོན་གཉིས་ཆ་རའི་སྒོ་ལས་འོངམ་ཨིན།ངལྟག་གི་འདི་གསུམ་ཆ་ར་མེན།
༤/ ཕོ་རབ་གཅིག་གི་བློ་རྩལ་ལས་ཟེརཝ་ད་རབ་ཟེར་མི་འདི་་་་་་།
ཀཡ་རབ་ཟེར་བའི་དོན་ཨིན།ཁཟོགཔ་ཡོད་པའི་དོན་ཨིན།
གཧ་ལམ་ཅིག་ཡོད་པའི་དོན་ཨིན།ངའཇའ་རིསམོ་ཡོད་པའི་དོན་ཨིན།
༥/ དཔྱེ་གཏམ་འདི་ཚུ་ག་ར་་་་་་།
ཀཚིག་བཅད་ནང་འོངམ་ཨིན།ཁཚིག་ལྷུག་ནང་འོངམ་ཨིན།
གབཅད་ལྷུག་གཉིས་ཆ་ར་ནང་འོངམ་ཨིན།ངགསུམ་ཆ་ར་ནང་འོངམ་ཨིན།
༦/ མི་བཟང་བསམ་བཟང་སྤྱོད་བཟང་དགོ་ཟེར་བའི་སྐབས་སྤྱོད་བཟང་ཟེར་མི་འདི་་་་་་་།
ཀརྒྱུ་ནོར་ལོངས་སྤྱོད་ཡོད་མི་ལུ་གོཝ་ཨིན།ཁའབད་གཞག་བཅའ་གཞག་ཡོད་མི་ལུ་གོཝ་ཨིན།
གངོ་རིར་འཇའ་རིསམོ་ཡོད་མི་ལུ་གོཝ་ཨིན།ངམི་མཁས་པ་ཚུ་ལུ་གོཝ་ཨིན།
༧/ བཟང་པོའི་ཁོག་པ་གསེར་དང་ཟེར་བའི་སྐབས་གསེར་ཟེར་མི་་་་་་་།
ཀཁ་མདོག་སེརཔོ་གི་རིགས་ལུ་སླབ་ཨིན།ཁཁ་མདོག་དམརཔོ་གི་རིགས་ལུ་སླབ་ཨིན།
གལེགས་ཤོམ་གྱི་རིགས་ལུ་སླབ་ཨིན།ངཟོགཔ་གི་རིགས་ལུ་སླབ་ཨིན།
༨/ དཔྱེ་གཏམ་འདི་ཚུ་བློ་སླབ་པའི་སྐབས་་་་་་་།
ཀསྐབས་ཐོབ་དང་བསྟུན་ཏེ་ལག་ལེན་འཐབ་དགོ།ཁག་ཐོབ་སྦེ་ལག་ལེན་འཐབ་དགོ།
གལག་ལེན་འཐབ་ནི་ར་མི་འོང་།ངལག་ལེན་འཐབ་ནི་འདི་ལེགས་ཤོམ་མེན།
༩/ ཕ་བཟང་བུ་ལུ་བསླབ་བྱ་དགོ།བུ་བཟང་ཕ་མར་བརྩེ་གདུང་དགོ།ཟེར་བའི་སྐབས་་་་་་།
ཀགོངམ་དང་གཡོག་གི་བར་ན་གི་འབྲེལ་བ་སྟོནམ་ཨིན།ཁཕམ་དང་བུ་ཚུ་གི་བར་ན་གི་འབྲེལ་བ་སྟོནམ་ཨིན།
གའཆམ་མཐུནམ་གི་བར་ན་གི་འབྲེལ་བ་སྟོནམ་ཨིན།ངགཉེན་དང་གྲོགས་ཀྱི་བར་ན་གི་འབྲེལ་བ་སྟོནམ་ཨིན།
༡༠/ དཔྱེ་གཏམ་འདི་་་་་་།
ཀསྔོན་དང་ཕུ་ལས་དར་ཡོད་པའི་ལམ་སྲོལ་ཅིག་ཨིན།ཁབར་སྐབས་ཅིག་ལས་འབྱུང་བའིལམ་སྲོལ་ཅིག་ཨིན།
གདེང་སངས་ད་རེས་ནངས་པའི་ལམ་སྲོལ་ཅིག་ཨིན།ངགོང་གི་འདི་གསུམ་ཆ་ར་མེན།
ཁ།ལན་ཐུང་གི་དྲི་བ།༼སྐུགས་༢༠༽
འོག་གི་དྲི་བ་ཚུ་གི་ལན་ཐུང་སུ་འབད་བྲིས།
༡/ ཕ་བཟང་བུ་ལུ་བསླབ་བྱ་དགོ།བུ་བཟང་ཕ་མར་བརྩེ་གདུང་དགོ།ཟེར་མི་ཚིག་རྐང་གཉིསཔོ་འདི་གི་དོན་དག་དོན་མཚམས་༡ནང་བྲིས།(༦)
༢/ མི་བཟང་ཁ་ཉུང་ཁོག་ཡངས་དགོ།མི་བཟང་བསམ་བཟང་སྤྱོད་བཟང་དགོ།ཟེར་མི་ཚིག་རྐང་གཉིསཔོ་འདི་གི་དོན་དག་
དོན་མཚམས་༡ནང་བྲིས།(༧)
༣/ བཟང་པོའི་ཁོག་པ་གསེར་དང་།།ངན་པའི་ཁོག་པ་དུག།།ཟེར་མི་ཚིག་རྐང་གཉིསཔོ་འདི་གི་དོན་དག་དོན་མཚམས་༡ནང་བྲིས།(༧)
དྲི་བ་ཚན་གཉིས་པ།ལན་རིངམོ་གི་དྲི་བ།༼སྐུགས་༣༠༽
འོག་གི་དྲི་བ་ཚུ་གི་ལན་རིངམོ་འབད་བྲིས།
༡/ ཁྱོད་རང་གི་ཤེས་མི་དཔྱེ་གཏམ་
གསུམ་འབད་མི་ཅིག་བྲིས།(༡༠)
༢/ དཔྱེ་གཏམ་འདི་གིས་ང་བཅས་རའི་རྒྱུད་ལུ་མནོ་རིགས་གོང་འཕེལ་འགྱོ་འོང་? ཁྱོད་རའི་བསམ་འཆར་
དོན་མཚམས་༢ནང་བྲིས།(༡༠)
༣/ གོང་གི་སྙན་རྩོམ་འདི་ལྷག་ཞིནམ་ལས་ཁྱོད་ཀྱིས་དོན་དག་ག་དེ་སྦེ་ཧ་གོ་ཡི? དོན་མཚམས་༢ནང་བྲིས།(༡༠)
བཀྲིས་བདེ་ལེགས།
Comments
Post a Comment