རྫོང་ཁག་ཤེས་རིག་སྡེ་ཚན།
གསར༌སྤང༌རིག༌རྩལ༌ལྕོགས༌གྲུབ༌དབྱེ༌ཞིབ༌ཀྱི༌ལོ༌འཁོར༌ཆོས༌རྒྱུགས།
སྤྱི་ལོ་༢༠༡༧།
ཆོས་ཚན་་རྫོང་ཁ།སྐུགས་བསྡོམས་༡༠༠།
སློབ་རིམ་བདུན་པ།རྫོང་ཁའི་དྲི་ཤོག་གཉིས་པ།དུས་ཡུན་ཆུ་ཚོད་༢།
|
འོག་གི་བཀོད་རྒྱ་ཚུ་ལེགས་ཤོམ་སྦེལྷག་སྟེ་བལྟ།
༡འབྲི་ནི་འགོ་མ་བཙུགས་པའི་ཧེ་མ་སྐར་མ་༡༥གི་རིང་ལུ་དྲི་ཤོག་འདི་ལེགས་ཤོམ་སྦེ་ལྷག་སྟེ་བལྟ།ལྷག་ཚར་བའི་ཤུལ་ལས་
འབྲི་ནི་གི་དུས་ཡུན་ཆུ་ཚོད་༢ཡོད།
༢དྲི་ཤོག་འདི་ནང་དྲི་བ་སྡེ་ཚན་གསུམ་ཡོད།སྡེ་ཚན་ཀ་སྲུང་དང་གཏམ་རྒྱུད།ཁ་འབྲི་རྩོམ།ག་སྙན་རྩོམ། སྡེ་ཚན་རེ་རེ་་ལུ་ཡང་དྲི་བ་ཚན་གཉིས་རེ་སྦེ་ཡོད།དྲི་བ་ཚན་དང་པའི་ནང་དྲི་བ་ཀ་ཁ་དང་དྲི་བ་ཚན་གཉིས་པའི་ནང་ལུ་ཡང་
ཀ་ཁ་སྦེ་བཀོད་དེ་ཡོད།སྡེ་ཚན་རེ་ལས་ཁྱོད་ཀྱིས་དྲི་བ་ཚན་རེ་ཨིན་ཅིག་མིན་ཅིག་གདམ་ཁ་རྐྱབ་སྟེ་ལན་འབྲི་དགོ།
༣ཁྱོད་ཀྱིས་དྲི་བ་ཚན་བསྡོམས་གསུམ་གི་ལན་འབྲི་དགོ་དེ་འབདཝ་ད་དྲི་བ་ཚན་གཉིས་པའི་ནང་ལས་དྲི་བ་༡ཨིན་ཅིག་མིན་ཅིག་
གདམ་ཁ་རྐྱབ་སྟེ་ལན་འབྲི་དགོ།
༤སྡེ་ཚན་རེ་རེ་ནང་ཡོད་པའི་དྲི་བ་ཚན་གཉིས་ཆ་ར་གདམ་ཁ་རྐྱབ་མི་ཆོག།
༥སྡེ་ཚན་དང་འཁྲིལ་བའི་དྲི་བ་ཚན་རེ་རེ་བཞིན་གྱི་དྲི་བའི་བཀོད་རྒྱ་ཚུ་ཁ་གསལ་སྦེ་བཀོད་ཡོད་མི་ཚུ་ལེགས་ཤོམ་སྦེ་ལྷག་
སྟེ་ལན་བྲིས།
༦ཆོས་རྒྱུགགས་ཁང་ལས་འཐོན་མ་འགྱོ་བའི་ཧེ་མ་དྲི་བ་ཚན་གསུམ་གྱི་ལན་བྲིས་མ་འབྲི་དང་ཁྱོད་རའི་མིང་འབྲི་མ་འབྲི་བལྟ།
|
སྡེ་ཚན་ཀ་སྲུང་དང་གཏམ་རྒྱུད།སྐུགས་༣༥།
འོག་གི་སྲུང་གི་བརྗོད་མཚམས་འདི་ལེགས་ཤོམ་འབད་ལྷག་ཞིན་ན་དྲི་བ་ཚན་གཉིས་ཡོད་ས་ལས་གཅིག་གདམ་ཁ་རྐྱབ་སྟེ་སྐུགས་༣༥གི་ལན་ཚངམ་འབད་བྲིས།
|
‘‘ངེའི་ཧིང་དང་འདྲ་བའི་རྟིའུ་ཅུང་དེ།།རིན་ཆེན་སྲོག་དང་འབྲལ་ནི་འབད་རུང་ར།།ཨོམ་ཅིག་བྱིན་ནིའི་དབང་ཚད་ང་ལུ་མེད།།
དུད་འགྲོ་བཀོལ་སྤྱོད་སྡུག་བསྔལ་ཟེར་མི་དེ།།དེམ་ཅིག་ལས་བརྒལ་ཏེ་མི་འོང་རྨེ།།ཟེར་ལོག་བལྟ་ཡི་ར་འགྱོ་བའི་སྐབས་རྟིའུ་ཅུང་དེ་སྐྱོ་སི་སི་འབད་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
|
དྲི་བ་ཚན་དང་པ་ཀ།གདམ་ཁ་ཅན།(༡༥x༡=༡༥)
ཀ༽འོག་གི་དྲི་བ་རེ་ལུ་ལན་ཀ་ཁ་ག་ང་འབད་༤རེ་བཀོད་དེ་ཡོད་ས་ལས་ལན་ངོ་མ་༡ཡོད་མི་འདི་གདམ་ཁ་རྐྱབ་སྟེ་ གོར་ཐིག་བཀལ།
༡ ཚོང་དཔོན་གྱི་མིང་
ཀ དབང་འདུས་ཟེར་སླབ་ཨིན། ཁ རྡོ་རྡོ་ཟེར་སླབ་ཨིན།
ག ཕུན་ཚོགས་ཟེར་སླབ་ཨིན། ང རྡོ་རྗེ་ཟེར་སླབ་ཨིན།
༢ རེད་དཀར་ནས་གེ་ཟ་ཚུ་ལུ་
ཀ ཚོད་བསྲེའི་རིགས་ཟེར་སླབ་ཨིན། ཁཤིང་འབྲས་ཀྱི་རིགས་ཟེར་སླབ་ཨིན།
ག འབྲུ་སྣའི་རིགས་ཟེར་སླབ་ཨིན། ངལག་ཆའི་རིགས་ཟེར་སླབ་ཨིན།
༣ ཁོ་ཚོང་འབྲེལ་འཐབ་ད་ཚོང་ཕར་ཚུར་སྐྱེལ་འདྲེན་འབད་མི་
ཀ གནམ་གྲུ་ཅིག་ཡོདཔ་མས། ཁ ཤིང་རྟ་འཁོར་ལོ་ཅིག་ཡོདཔ་མས།
ག སྣུམ་འཁོར་ཅིག་ཡོདཔ་མས། ང རེ་ལི་ཅིག་ཡོདཔ་མས།
༤ ཤིང་རྟ་འཁོར་ལོ་འཐེན་མི་རྟ་རྒོདམ་གི་མིང་
ཀ རྡོ་རྡོ་ཟེར་སླབ་ཨིན། ཁ སྨིན་དྲུགམོ་ཟེར་སླབ་ཨིན།
ག རྟིའུ་ཅུང་ཟེར་སླབ་ཨིན། ང བྱང་སེམས་ཟེར་སླབ་ཨིན།
༥ དུས་རྒྱུན་ཟེར་མི་འདི་
ཀ ཨ་རྟག་ར་ཟེར་བའི་དོན་ཨིན། ཁའཕྲལ་འཕྲལ་ཟེར་བའི་དོན་ཨིན།
ག མགྱོགས་པར་རང་ཟེར་བའི་དོན་ཨིན། ངཡོད་ཚད་མེད་ཚད་ཟེར་བའི་དོན་ཨིན།
༦ཟླཝ་དང་པ་གཉིས་པ་གསུམ་པ་ལུ་ག་ཅི་སླབ་སྨོ?
ཀདགུན་ཟེར་སླབ་ཨིན།ཁསེར་ཁ་ཟེར་སླབ་ཨིན།
གསོ་ཀ་ཟེར་སླབ་ཨིན།ངབྱཱར་ཟེར་སླབ་ཨིན།
༧ཤིང་རྟ་འཁོར་ལོ་གུ་དོས་ཚུ་
ཀརི་བཟུམ་སྤུངས་ཏེ་བཀལ་ནུག།ཁམོ་རང་གིས་འབག་ཚུགས་ཚུགས་བཀལ་ནུག།
གབཀལ་རང་མ་བཀལ་ནུག།ངཁྱིམ་བཟུམ་བཀལ་ནུག།
༨གནམ་སེར་ཁའི་དུས་ཚོད་འདི་
ཀཟླཝ་དང་པ་གཉིས་པ་གསུམ་པ་ཨིན།ཁཟླཝ་བདུན་པ་བརྒྱད་པ་དགུ་པ་གསུམ་ཨིན།
གཟླཝ་བཞི་པ་ལྔ་པ་དྲུག་པ་གསུམ་ཨིན།ངབཅུ་པ་བཅུ་གཅིག་པ་བཅུ་གཉིས་པ་གསུམ་ཨིན།
༩ཏོག་ཙེ་གན་སྟེ་རྐོ་ཏིག་ཚུ་
ཀཚོང་འབྲེལ་གྱི་མཁོ་ཆས་ཨིན།ཁགྱོན་ཆས་ཀྱི་རིགས་ཨིན།
གསོ་ནམ་གྱི་ལག་ཆས་ཨིན།ངབཟའ་འཐུང་གི་ཅ་ཆས་ཨིན།
༡༠སྲུང་གི་དབྱེ་བ་གཉིས་འདི་
ཀའགྲེལ་བཤད་དང་དངོས་སྲུང་གཉིས་ཨིན།ཁརྒྱུད་སྐུལ་དང་འཆར་སྲུང་ཨིན།
གལོ་རྒྱུས་དང་དངོས་སྲུང་ཨིན།ངའཆར་སྲུང་དང་དངོས་སྲུང་ཨིན།
༡༡བཀོལ་སྤྱོད་ཟེར་མི་འདི
ཀལཱ་འབད་བཅུག་མི་ལུ་སླབ་ཨིན།ཁཁུར་ཆ་བཀལ་མི་ལུ་སླབ་ཨིན།
གཚོང་རྐྱབ་མི་ལུ་སླབ་ཨིན།ངསྡུག་བསྔལ་མྱོང་བཅུག་མི་ལུ་སླབ་ཨིན།
༡༢སྲུང་འདི་ནང་སྲུང་རྩེདཔ་
ཀགསུམ་འདུག།ཁབཞི་འདུག།
གལྔ་འདུག།ངདྲུག་འདུག།
༡༣སྲུང་འདི་ནང་གི་འཚོར་བ་
ཀདགོད་བྲ་སི་སི་འདུག།ཁརྔམ་སི་སི་འདུག།
གའདྲོག་སི་སི་འདུག།ངསྡི་ཆེ་སི་སི་འདུག།
༡༤སྲུང་དང་གཏམ་རྒྱུད་འདི་
ཀསྙན་རྩོམ་གྱི་ནང་གསེས་ཅིག་ཨིན།ཁརྩོམ་རིག་གི་དབྱེ་བ་ཅིག་ཨིན།
གའབྲི་རྩོམ་གྱི་ཁྱད་ཆོས་ཅིག་ཨིན།ངརྩང་མོའི་གཞི་རྩ་ཅིག་ཨིན།
༡༥སྲུང་གི་བཅུད་དོན་་
ཀསེམས་ཅན་ཚུ་གཡོག་བཀོལ་དགོཔ་ཨིན་པས།ཁསེམས་ཅན་ཚུ་སྲོག་གཅོད་འབད་དགོཔ་ཨིན་པས།
གམནོ་མེད་སེམས་ཅན་ལུ་བྱམས་སེམས་བསྐྱེད་དགོཔ་ཨིན་པས།ངབྱམས་པ་དང་སྙིང་རྗེ་བསྐྱེད་མ་དགོཔ་ཨིན་པས།
ཁ༽འོག་གི་དྲིབ་ཚུ་དྲནམ་བཏོན་ཏེ་ལྷག་ཞིནམ་ལས་ལན་ཐུང་སུ་འབད་བྲིས། (༥×༥=༢༠)
༡ གནམ་ཟླ་དུས་བཞི་ཟེར་མི་འདི་ག་ཅི་དང་ག་ཅི་རང་སྨོ? རེ་རེ་བཞིན་དུ་ཁག་དབྱེ་སྟེ་བྲིས།
༢ རྟ་རྒོདམ་འདི་གི་མིང་ལུ་སྨིན་དྲུགམོ་ཟེར་བཏགས་དགོ་པའི་ཁུངས་ག་ཅི་སྨོ?
༣ གནམ་ཟླ་དུས་བཞི་འགྱུར་བ་དང་བསྟུན་ཚོང་འབྲེལ་ག་ཅི་རང་འཐབ་སྨོ?
༤འོག་གི་མིང་ཚིག་ཚུ་གི་འགལ་མིང་བྲིས།
ཀ།ཕྱི་རུ། ཁ།གདོང་ཁ། ང་།སྡོད། ཅ།སྐྱོ་སི་སི། ཆ།བྱཱར།
དྲིབ་ཚན་གཉིས་པ། སྐུགས་ (༣༥)
འོག་གི་དྲི་བ་ཚུ་དྲནམ་བཏོན་ཏེ་ལྷག་ཞིནམ་ལས་ལན་ཚུ་རིངམོ་འབད་བྲིས།
༡སྨིན་དྲུག་མོ་གིས་སྡུག་བསྔལ་ག་ཅི་བཟུམ་མྱོང་རུང་སྡོད་ནི་གི་རང་དབང་ཅིག་མ་པ་ལས་མ་འཐོབ་པས།འདི་ག་ཅི་ལས་བརྟེན་
ཨིན་ན?ཁྱོད་རའི་བསམ་འཆར་དོན་མཚམས་༢ལྷགཔ་ཅིག་བཀོད། ༨།
༢རྟིའུ་ཅུང་ཨོམ་འཐུང་ནི་གི་དུས་ཚོད་ཅིག་ཡང་མ་འཐོབ་མི་འདི་ག་ཅི་ལས་བརྟེན་ཨིན་མས? སྨིན་དྲུག་མོ་འདི་རང་གི་ཨའི་དང་
རྟིའུ་ཅུང་འདི་རང་ཨིན་པ་ཅིན་ག་ཅི་བཟུམ་འོང་ནི་མས་གོ་དོན་མཚམས་༢དང་༣གྱི་བར་ན་བྲིས། ༨།
༣ང་བཅས་ར་མི་ཚུ་གིས་སེམས་ཅན་ཚུ་དཀའ་ཐུབ་ག་ཅི་བཟུམ་ར་མྱོང་བཅུགཔ་ཨིན་ན? སེམས་ཅན་ཚུ་ལུ་བྱམས་སྐྱོང་
ག་དེ་སྦེ་འབད་ནི་ཨིན་ན? ཁུངས་བཀལ། ༩།
༤སྲུང་འདི་ནང་ལས་ཁྱོད་རའི་དགའ་མི་སྲུང་རྩེདཔ་ཅིག་གདམ་ཁ་རྐྱབ་སྟེ་འདི་ལུ་དགའ་དགོ་པའི་སྐོར་ལས་དོན་
མཚམས་ ༣ནང་བཅུད་བཏོན་ཏེ་བྲིས། ༡༠།
སྡེ་ཚན་ཁ།འབྲི་རྩོམ།སྐུགས་༣༥།
འོག་གི་འབྲི་རྩོམ་འདི་ལེགས་ཤོམ་འབད་ལྷག་ཞིནམ་ལས་དྲི་བ་ཚུ་གི་ལན་བཀོད་རྒྱ་དང་འཁྲིལ་ཏེ་བྲིས།
༉ང་བཅས་རའི་འབྲུག་རྒྱལ་ཁབ་འདི་ཆོས་ལྡན་གྱི་རྒྱལ་ཁབ་ཅིག་ཨིན་འདི་འབད་རུང་ཁྱིམ་ནང་ལས་ཕར་ཤ་བསྲེ་ཅིག་མེད་པ་ཅིན་
དུས་རྒྱུན་གྱི་ཚོདམ་བཟོ་ནི་ལུ་ཡང་ཐབས་ཆགས་པའི་སྣང་བ་ཅིག་སྤྱིར་བཏང་སེམས་ལུ་འཆར་མི་འདི་མ་བཏུབ་ཅིག་ཨིན་པས།
དེ་ཡང་ང་བཅས་ར་འབྲུག་ཆོས་ལྡན་གྱི་རྒྱལ་ཁབ་འདི་ཆོས་སེམས་ཅན་གྱི་མི་སྡེ་བྱམས་པ་དང་སྙིང་རྗེ་ལྡན་པའི་མི་གཞན་ལུ་གནོད་སེམས་
སྤང་མི་ཅིག་འབད་ཆ་བཞགཔ་ཨིན།སྐྱབས་འགྲོ་ལས་དམ་པའི་ཆོས་ལ་སྐྱབས་འཚོལ་ན།།སེམས་ཅན་རྣམས་ལ་གནོད་མི་བྱ།།ཟེར་གསུངས་ཡོདཔ་བཞིན་དུ་ཤ་འདི་བཟའ་བ་ཅིན་ང་བཅས་ར་ཆ་ཁྱབ་བྱམས་པ་དང་སྙིང་རྗེ་ལྡན་མི་ཅིག་ཨིན་པའི་བརྩི་མཐོང་དང་འགལ་བ་འགྱོ་ནི་ཨིན་པས།
རྒྱལ་ཁབ་འདི་ནང་པ་སངས་རྒྱས་པའི་ཆོས་དར་བའི་རྒྱལ་ཁབ་ཅིག་ཨིནམ་ལས་གཞུང་གིས་དུས་ཆེན་ཁྱད་པར་ཅན་ཚུ་ལུ་སེམས་ཅན་སྲོག་གཅོད་འབད་ནི་དང་ཤའི་རིགས་ཉོ་བཙོང་འཐབ་མ་ཆོགཔ་འབད་བཟོ་སྟེ་ཡོད་མི་འདི་སྲིད་བྱུས་དང་ཡང་འགལཝ་མ་ཚད་རང་ལུ་ཡང་
ཚེ་འདི་ཕྱི་གཉིས་ལུ་གནོད་པའི་གཞི་ཅིག་ལས་བརྒལ་མེདཔ་ལས་བརྟེན་ཏེ་ཨིན།ཨིན་རུང་མི་ལ་ལུ་ཅིག་གིས་གཙོ་བོ་རང་གི་རྒྱུན་ལུ་
བྱང་ཆུབ་ཀྱི་སེམས་ཅིག་ཡོད་པ་ཅིན་ཤ་ག་ཅི་བཟའ་རུང་འདི་ལུ་གནོད་པ་ཅིག་མེད་ཟེར་ཨིན་པས།
ཁོང་གིས་བཤད་མི་ནང་ཤ་བཙོང་མི་མེད་པ་ཅིན་ང་བཅས་ཀྱིས་ཉོ་དགོཔ་མེད་བཙོང་མི་འདི་གིས་བཙོངམ་ད་ཟ་མི་གིས་ཟ་དོ་ཡོདཔ་མ་གཏོགས་འདི་ལུ་དངོས་སུ་རང་གིས་སྲོག་གཅོད་ཀྱི་ལཱ་མ་འབདཝ་ལས་སྲོག་གཅོད་ཀྱི་ལས་འདི་རང་ལུ་ཕོག་དགོཔ་རྩ་ལས་མིན་འདུག་ཟེར་བཤདཔ་མ་ཚད་ད་རུང་ཤ་བཟའ་སྟེ་འབད་བ་ཅིན་རང་གི་གཟུགས་སྟོབས་བརྟགས་ནི་དང་གཟུགས་ཁམས་སྒྲིང་སྒྲིང་འབད་སྡོད་ཚུགས་མི་ནམ་རང་འབད་རུང་བདེ་ཏོག་ཏོ་འབད་གནས་ཚུགས་པའི་ཕན་པ་ཡོད་ཟེར་སླབ་ཨིན་པས།ཨིན་རུང་འདི་བཟུམ་བཤད་མི་ལུ་བདོན་ཁུངས་ཅིག་རྩ་ལས་མི་མཐོང་པས།
དོན་དག་ངོ་མ་ལུ་མནོ་བསམ་བཏང་སྟེ་འབད་བ་ཅིན་སྲོག་གཅོད་ཀྱི་ཉེས་པ་མི་ཕོག་ཟེར་མི་འདི་ལུ་བདེན་ཁུངས་ཅིག་མེད་སྲོག་གཅོད་པའི་
ཉེས་པ་མེད་རུང་ཟ་བའི་ཉེས་པ་འདི་གཞན་ཁ་ལུ་འགྱོ་ས་རྩ་ལས་མིན་འདུག།དཔྱེ་གཏམ་ལུ་ཡང་བྱ་ས་ཁར་ཆགསཔ་ད།གྱིབ་མ་གཅིག་ཁར་ཟེར་དོ་བཟུམ་ཤ་བཟའ་བའི་ལས་འདི་རང་ལུ་ཕོགཔ་ངོས་བདེན་ཨིན།དེ་ཡང་ཁྱི་ར་བ་མགོན་པོ་རྡོ་རྗེ་གིས་ཤ་བསད་པའི་སྡིག་པ་ང་ལུ་ཡོད།བཟའ་བའི་སྡིག་པ་ཀུན་ལུ་ཡོད།ཟེར་དོ་བཟུམ་ང་བཅས་ཀྱིས་ཤའི་རིགས་ཚུ་བཟའ་སྤྱོད་འབད་བ་ཅིན་བཙོང་མི་འདི་གིས་ཤ་ཁང་བཙུགས་ཏེ་བཙོང་དགོ་པའི་ལམ་ཅིག་མིན་འདུག་མེན་ན? གཙོ་བོ་ང་བཅས་ཚུ་གིས་ཤ་ལུ་སྦྱངམ་རུབ་དོ་བཟུམ་རུབཔ་ལས་བརྟེན་ཏེ་ཨིན།ཤའི་རིགས་ཚུ་བཟའ་སྤྱོད་འབད་བ་ཅིན་ཚེ་ད་རེས་ལུས་ལུ་ན་ཚ་འཁོར་ཏེ་དགའ་སྐྱིད་མེད་ཚེ་ཕྱི་མ་དམྱལ་བའི་སྡུག་བསྔལ་མྱོང་དགོ་པའི་རྒྱུ་ཅིག་ཨིན་པའི་སྐོར་ལས་་ཉེས་དམིགས་ཡང་མང་རབས་ཅིག་གསུངས་ཡོན་མི་ལུ་མནོ་བསམ་གཏང་སྟེ་ཤ་སྤང་དགོཔ་འདི་ངེས་བདེན་ཅིག་ར་ཨིན་པས་གོ།
དྲིབ་ཚན་དང་པ། གདམ་ག་ཅན། (༡༥×༡=1༥)
ཀ།འོག་གི་དྲི་བ་རེ་ལུ་ལན་ཀ་ཁ་ག་ང་འབད་༤རེ་བཀོད་དེ་ཡོད་ས་ལས་ལན་ངོ་མ་༡ཡོད་མི་འདི་གདམ་ཁ་རྐྱབ་སྟེ་སྒོར་ཐིག་བཀལ།
༡འབྲུག་རྒྱལ་འདི་་
ཀསྨན་སྐྱེས་སའི་རྒྱལ་ཁབ་ཅིག་ཨིན།ཁཆོས་ལྡན་གྱི་རྒྱལ་ཁབ་ཅིག་ཨིན།
གསངས་རྒྱས་མ་བྱོན་པའི་རྒྱལ་ཁབ་ཅིག་ཨིན།ངདམར་མཆོད་འཕུལ་བའི་རྒྱལ་ཁབ་ཅིག་ཨིན།
༢འབྲུག་མི་ག་རའི་སེམས་ཁར་་་
ཀང་རྒྱལ་དང་ཁྲག་དོག་ཡོད་མི་ཨིན།ཁགནོད་སེམས་བསྐྱེད་མི་ཨིན།
གབྱམས་པ་དང་སྙིང་རྗེ་ཡོད་མི་ཨིན།ངལོག་ལྟ་བསྐྱེད་མི་ཨིན།
༣འགྲེལ་བཤད་འབྲི་རྩོམ་འདི་་
ཀཅ་ལའི་སྐོར་ལས་བཤད་པ་རྐྱབ་སྟེ་འབྲི་ལུ་སླབ་ཨིན།།ཁལོ་རྒྱུས་འབད་འབྲི་མི་ལུ་སླབ་ཨིན།
གཤོབ་རྐྱབ་སྟེ་འབྲི་མི་ལུ་སླབ་ཨིན། ངསྲུང་དང་གཏམ་རྒྱུད་ལུ་སླབ་ཨིན།
༤ཤ་བཟའ་ནི་ལག་ལེན་འཐབ་པ་ཅིན་
ཀསེམས་བདེ་ཏོག་ཏོ་འོངམ་ཨིན།ཁམནོ་བའི་རིག་པ་འཕེལཝ་ཨིན།
གབསམ་པ་བཟང་པོ་བསྐྱེདཔ་ཨིན།ངཚེ་འདི་ཕྱི་གཉིས་ལུ་གནོདཔ་ཨིན།
༥སྲོག་གཅོད་ཟེར་མི་འདི་་
ཀསེམས་ཅན་གསད་མི་ལུ་སླབ་ཨིན།ཁསེམས་ཅན་གསོ་མི་ལུ་སླབ་ཨིན།
གཨརཝ་བརྐུ་མི་ལུ་སླབ་ཨིན།ངཤོབ་རྐྱབ་མི་ལུ་སླབ་ཨིན།
༦འཆར་སྣང་འབྲི་རྩོམ་འདི་་
ཀངོ་མ་འབད་བྲིས་ཡོད་མི་སླབ་ཨིན།ཁསེམས་ཀྱིས་བཟོ་སྟེ་འབྲི་མི་ལུ་སླབ་ཨིན།
གལོ་རྒྱུས་འབད་འབྲི་ལུ་སླབ་ཨིན།ངཚིགས་བཅད་ནང་འབྲི་མི་ལུ་སླབ་ཨིན།
༧ཆོས་ལྡན་གྱི་མི་སེར་ཚུ་་
ཀསྲོག་གཅོད་ཀྱི་ལཱ་ལུ་དགའ་མི་ཨིན།ཁགཞན་ལུ་གནོད་སེམས་སྤང་མི་ཨིན།
གམི་ཚུ་མགུ་སྐོར་རྐྱབ་མི་ཨིན།ངཆོས་ལུ་ལོག་ལྟ་བསྐྱེད་མི་ཨིན།
༨ཤ་བཟའ་བའི་ལས་འདི་་་
ཀརང་ལུ་ངེས་བདེན་ཕོགཔ་ཨིན།ཁམི་གཞན་ལུ་ཕོགཔ་ཨིན།
གག་ལུ་ཡང་མི་ཕོག།ངཤ་བསད་མི་ལུ་ཕོགཔ་ཨིན།
༩བྱ་ས་ཁར་ཆགསཔ་ད་་་་
ཀབྱ་སྤུ་གནམ་ཁར་གཟིང་།ཁཤོག་སྒྲོ་ས་ཁར་འབབ།
གསྒོང་རྡོག་ས་ཁར་འབུད།ངགྱིབ་མར་གཅིག་ཁར་འབབ།
༡༠དུས་ཆེན་ཁྱད་པར་ཅན་ལུ་
ཀདགེ་བའི་ལཱ་འབད་མི་ཆོག།ཁསྦྱིན་པ་གཏང་མི་ཆོག།
གཤ་ཚུ་ཉོ་བཙོང་འཐབ་མི་ཆོག།ངཆོས་ཀྱི་སྐོར་ལས་བཤད་མི་ཆོག།
༡༡འབྲི་རྩོམ་འདི་ལུ་བལྟ་བ་ཅིན་་་
ཀཤ་སྤང་དགོ་པའི་སྐོར་ལས་ཨིན་པས།ཁཤ་བཟའ་དགོཔ་སྦེ་བཤདཔ་མས།
གསྲོག་གཅོད་དགོ་པའི་ཁུངས་ཨིནཔས།ངལཱ་ངན་སྤང་དགོཔ་ཨིན་པས།
༡༢ཤ་ཚུ་བཟའ་སྤྱོད་འབད་བ་ཅིན་
ཀལུས་ལུ་ན་ཚ་ཕོག་སྟེ་དགའ་སྐྱིད་མེད།ཁསངས་རྒྱས་ཀྱི་གོ་འཕང་ཐོབ།
གདཔེ་ཆ་ཤེས་ཚུགས།ངཕ་མའི་དྲིན་ལན་འཇལ་ཚུགས།
༡༣ཤ་བཟའ་བ་ཅིན་གཟུགས་ཁམས་སྒྲིང་སྒྲིང་འབད་སྡོད་ཚུགས་ཟེར་མི་འདི་་
ཀབླམ་གིས་གསུངས་ནུག།ཁདམ་པའི་ཆོས་ལས་འགལ་བ་ཨིན།
གདྲུང་འཚོ་གིས་གསུངསམ་ཨིན།ངཕ་མའི་བསླབ་བྱ་ཨིན།
༡༤འབྲི་རྩོམ་འདི་གི་གནད་དོན་ངོ་མ་་་
ཀཤ་བཟའ་དགོཔ་ཨིན་པས།ཁསྲོག་གཅོད་པའི་ལས་མེད་ཟེར་ཨིན་པས།
གཤ་ཚུ་ཉོ་བཙོང་འཐབ་དགོ་པའི་དོན་ཨིན་པས།ངཉེས་པ་ཆེ་བའི་ཤའི་རིགས་ཚུ་སྤང་དགོཔ་ཨིན་པས།
༡༥བྱམས་པ་དང་སྙིང་རྗེ་ཟེར་མི་དོན་དག་འདི་་
ཀསེམསཅན་ག་ར་བདེ་བ་དང་ལྡན་བཅུག་ཟེར་མནོ་བའི་དོན།ཁའཁོར་བའི་ཉེས་དམིགས་ཨིན།
གསེམས་ཅན་ཚུ་ལས་ཀྱིས་བཀོད་ནུག་ཟེར་བའི་དོན།ངསེམས་ཅན་ག་ར་ཕམ་ཨིན་ཟེར་བའི་དོན།
ཚན་དང་པ་ཁ། སྐུགས་༢༠།
བཀོད་རྒྱ།འོག་གི་དྲི་བ་ཚུ་གི་ལན་ཐུང་སུ་འབད་བྲིས།
༡ཆོས་སེམས་ཆན་གྱི་མི་སྡེ་ཚུ་ག་ཅི་ཨིནམ་སྦེ་ཆ་བཞགཔ་སྨོ? (༣)
༢སྐྱབས་འགྲོ་ནང་ལས་ག་དེ་སྦེ་གསུངས་བཞག་ནུག? (༣)
༣ཤའི་རིགས་ཚུ་བཟའ་སྤྱོད་འབད་བ་ཅིན་ཉེས་དམིགས་ག་ཅི་རང་གསུངས་ནུག? (༣)
༤མི་ལ་ལུ་ཅིག་གིས་ཤ་བཟའ་སྟེ་འབད་བ་ཅིན་ཕན་པ་ག་བཟུམ་ཡོད་ཟེར་སླབ་ཨིན་མས? (༥)
༥ཤ་ལག་ལེན་འཐབ་པ་ཅིན་སྲོག་གཅོད་ཀྱི་ཉེས་པ་མ་ཕོག་རུང་ག་ཅི་གི་ལས་འདི་ཕོགཔ་ཨིན་ན? (༥)
སྡེ་ཚན་ཁ་ཚན་གཉིས་པ། སྐུགས་༣༥།
བཀོད་རྒྱ།འོག་གི་དྲི་བ་ཚུ་གི་ལན་རིངམོ་སྦེ་བྲིས།
༡ཤ་བཙོང་མི་མེད་པ་ཅིན་ང་བཅས་ཉོ་དགོཔ་མེད་ཟེར་མི་འདི་ཁྱོད་ཀྱི་འབད་བ་ཅིན་བདེན་ཁུངས་ག་དེ་
སྦེ་འདུག? ཁུངས་བཀལ་ཏེ་བྲིས། ༨།
༢ཁྱི་ར་བ་གིས་ཤ་བསད་པའི་སྡིག་པ་ང་ལུ་ཡོད།ཟ་བའི་སྡིག་པ་ཀུན་ལུ་ཡོད།ག་ཅི་འབད་གསུངས་གསུངསམ་ཨིན་ན?
འབྲི་རྩོམ་གྱིས་གོ་བ་ལེན་ཞིནམ་ལས་བཅུད་དོན་བཏོན་ཏེ་བྲིས། ༨།
༣འབྲི་རྩོམ་འདི་ལྷག་ཞིནམ་ལས་ཁྱོད་ཀྱིས་སྤང་བླང་འབད་དགོ་པའི་ཡོན་ཏན་ཚུ་ག་ཅི་རང་ཐོབ་ཅི་ག? དོན་མཚམས་༢ནང་
ཁུངས་བཀལ་ཏེ་བྲིས། ༩།
༤ཤའི་རིགས་ཚུ་བཟའ་སྤྱོད་འབད་བ་ཅིན་གཟུགས་ཁམས་སྒྲིང་སྒྲིང་འབད་སྡོད་ཚུགས་ཟེར་མི་འདི་ལུ་བདེན་རྫུན་ག་དེ་སྦེ་
ཡོདཔ་ཨིན་ན? དབྱེ་བ་དཔྱད་ཞིནམ་ལས་བཅུད་དོན་ཚུ་བཏོན་ཏེ་ཁུངས་བཀལ། ༡༠།
སྡེ་ཚན་ག།སྙན་རྩོམ།སྐུགས་་༣༠།
|
སྨན་ལྗོངས་འབྲུག་གི་རྒྱལ་ཁབ་འདི།།མཐའ་འཁོར་ཤིང་དང་གངས་རི་བསྐོར།།
ནང་ན་ནོར་འདྲའི་རྒྱལ་པོ་བཞུགས།།མངའ་འབངས་དགའ་སྤྲོ་འགྱུར་ས་ཨིན།།
ཆོས་ལྡན་འབྲུག་གི་རྒྱལ་ཁབ་ནང་།།ཆོས་རྒྱལ་རིམ་པ་བྱོན་ཏེ་གིས།།
ཆོས་སེམ་ཅན་གྱི་མི་སེར་ཚུ།།དགའ་སྐྱིད་ཕུན་སུམ་ཚོགས་ཏེ་ཡོད།།
ལྷོ་ཕྱོགས་འཕགས་ཡུལ་རྒྱ་གར་དང་།།བྱང་ཕྱོགས་གངས་ཅན་བོད་ཀྱི་མཚམས།།
བར་ན་བཅས་འབྲུག་རྒྱལ་ཁབ།།ཞིང་ཁམས་བཟུམ་སྦེ་ཆགས་ཏེ་ཡོད།།
ལུགས་གཉིས་སྐྱོང་བའི་ཆོས་རྒྱལ་དང་།།འདི་ནང་ཡོད་པའི་མི་སེར་ཚུ།།
མཛད་པ་འཕྲིན་ལས་དར་ཞིང་རྒྱས།།འབངས་འཁོར་བདེ་སྐྱིད་ལྡན་པར་ཤོག།
|
དྲིབ་ཚན་དང་པ། གདམ་ག་ཅན། (༡༠×༡=1༥)
ཀ༽འོག་གི་དྲི་བ་རེ་ལུ་ལན་ཀ་ཁ་ག་ང་འབད་༤རེ་བཀོད་དེ་ཡོད་ས་ལས་ལན་ངོ་མ་༡ཡོད་མི་འདི་གདམ་ཁ་རྐྱབ་སྟེ་སྒོར་ཐིག་བཀལ།
༡འབྲུག་རྒྱལ་ཁབ་འདི་་་
ཀཆུ་གིས་བསྐོར་ཏེ་ཡོད།ཁབྱག་གིས་བསྐོར་ཏེ་ཡོད།
གགངས་རི་གིས་བསྐོར་ཏེ་ཡོད།ངཁྱིམ་གྱིས་བསྐོར་ཏེ་ཡོད།
༢རྩོམ་འདི་ཚིག་འབྲུ་
ཀལྔ་མ་ཨིན་པས།ཁདྲུག་མ་ཨིན་པ
གདགུ་མ་ཨིན་པས།ངབདུན་མ་ཨིན་པས།
༣རྩོམ་འདི་ག་ཅི་སྐོར་ལས་ཨིན་པས་གོ?
ཀརྒྱལ་ཁབ་ཀྱི་སྐོར་ལས་ཨིན་པས།ཁདཔྱེ་གཏམ་གྱི་སྐོར་ལས་ཨིན་པས།
གན་གཞོན་གྱི་སྐོར་ལས་ཨིན་པས།ངརང་བཞིན་གནས་སྟང་ཀྱི་སྐོར་ལས་ཨིན་པས།
༤རྩོམ་འདི་ནང་ལུ་ཤོ་ལོ་ཀ་
ཀགཅིག་འདུག།ཁགཉིས་འདུག།
གགསུམ་འདུག།ངབཞི་འདུག།
༥དགའ་སྐྱིད་ཕུན་སུམ་ཚོགས་ཏེ་ཡོན་མི་འདི་་
ཀརྒྱལ་ཁབ་ཨིན།ཁསེམས་ཅན་ཨིན།
གནགས་ཚལ་ཨིན།ངབྱའི་རིགས་ཚུ་ཨིན།
༦ང་བཅས་རའི་རྒྱལ་ཁབ་འདི་་
ཀརྒྱ་གར་བཟུམ་སྦེ་ཡོད།ཁབོད་ཀྱི་རྒྱལ་ཁབ་བཟུམ་སྦེ་ཡོད།
གལྷའི་ཞིང་ཁམས་བཟུམ་སྦེ་ཡོད།ངག་དང་ཡང་མ་འདྲཝ་ཅིག་ཨིན།
༧ང་བཅས་ཀྱི་རྒྱསཔོ་འདི་་་
ཀནོར་བུ་དང་འདྲ།ཁསངས་རྒྱས་དང་འདྲ།
གལྷ་དང་འདྲ།ངགསེར་དང་འདྲ།
༨རྩང་མོ་འདི་་
ཀསྲུང་གི་ནང་གསེས་ཨིན།ཁའབྲི་རྩོམ་གྱི་དང་གསེས་ཅིག་ཨིན།
གསྙན་རྩོམ་གྱི་ནང་གསེས་ཨིན།ངགསལ་བཤད་ཨིན།
༩རྒྱལ་ཁབ་ཀྱི་ལྷོ་ཕྱོགས་ལུ་
ཀབོད་ཀྱི་རྒྱལ་ཁབ་ཡོད།ཁགངས་རི་ཚུ་ཡོད།
གཞིང་ཁམས་ཡོད།ངརྒྱ་གར་རྒྱལ་ཁབ་ཡོད།
༡༠རྩོམ་འདི་ག་ཅི་གི་སྐོར་ལས་ཨིན་པས?
ཀསྐྱོ་བའི་རྩོམ་ཨིན་པས།ཁདགའ་བའི་རྩོམ་ཨིན་པས།
གརྒྱལ་ཁབ་ལུ་བསྟོད་པའི་རྩོམ་ཨིན་པས།ངཀ་རྩོམ་ཨིན་པས།
ཚན་དང་པ་ཁ། སྐུགས་༢༠།
བཀོད་རྒྱ། འོག་གི་དྲི་བ་ཚུ་གི་ལན་ཐུང་སུ་འབད་བྲིས། (༤x༥=༢༠)
༡འབྲུག་རྒྱལ་ཁབ་འདི་ག་ཅི་གིས་སྐོར་ཏེ་འདུག?
༢ཞབས་བྲོ་ལུ་ཚང་དགོ་པའི་ཁྱད་ཆོས་༤བྲིས།
༣འོག་གི་དོན་མཚམས་འདི་ལྷག་ཞིནམ་ལས་ཚིགས་བཅད་ནང་བྲིས།
ལྷོ་ཕྱོགས་འཕགས་ཡུས་རྒྱ་གར་དང་བྱང་ཕྱོགས་གངས་ཅན་བོད་ཀྱི་མཚམས་བར་ན་ང་བཅས་འབྲུག་རྒྱལ་
ཁབ་ཞིང་ཁམས་དབྱེར་མེད་ཆགས་ཏེ་ཡོད།
༤རྒྱལཔོ་རིམ་བྱོན་གྱིས་བཀའ་དྲིན་ལས་མི་སེར་ཚུ་ག་བཟུམ་ཡོད?
༥ང་བཅས་རའི་རྒྱལ་གབ་འདི་ཞིང་གམས་དང་དབྱེ་བ་མེད་ཟེར་ག་ཅི་འབད་སླབ་ཨིན་ན?
སྡེ་ཚན་་ག་ཚན་གཉིས་པ། སྐུགས་་༣༠།
བཀོད་རྒྱ། འོག་གི་དྲི་བ་ཚུ་གི་ལན་རིངམོ་སྦེ་བྲིས། (༣x༡༠=༣༠)
༡རྒྱལ་ཁབ་ལུ་དགའ་བའི་རྩོམ་ཤོ་ལོ་ཀ་༢གསར་རྩོམ་འབད།
༢ཁྱོད་ར་དགའ་མི་ཞབས་ཁྲ་གཅིག་གདམ་ཁ་རྐྱབ་ཞིནམ་ལས་འདི་ལུ་དགའ་དགོ་པའི་ཁུངས་སྐྱེལ་ཏེ་དོན་མཚམས་
གཅིག་ནང་བཅུད་བསྡུས་ཏེ་བྲིས།
༣རྩོམ་འདི་གི་མཇུག་ལུ་སྨོན་ལམ་བཏབ་ཡོད་པའི་ཚིགས་བཅད་ནང་ག་ཅི་རང་བྲིས་ནུག? གོ་དོན་ལེན་ཞིནམ་ལས་འགྲེལ་བཤད་རྐྱབ་སྟེ་བྲིས།
བཀྲིས༌བདེ༌ལེགས།
Comments
Post a Comment